એન્ફોર્સમેન્ટ ડિરેક્ટોરેટ (ઈડી)ની અમદાવાદ ઝોનલ ઓફિસે મની લોન્ડરિંગ કેસમાં અનિલ ન્યુટ્રિઅન્ટ્સ લિમિટેડ અને અન્ય છ સામે પ્રોસિક્યુશન ફરિયાદ દાખલ કરી છે.
ઈડીની અમદાવાદ કચેરી દ્વારા બેંક ઓફ ઈન્ડિયા સાથે ૪૭.૮૮ કરોડ રૂપિયાની છેતરપિંડી આચરવા બદલ અનિલ ન્યુટ્રિઅન્ટ્સ લિમિટેડ, તેના ડિરેક્ટર અમોલ શ્રીપાલ શેઠ અને અન્ય છ વ્યક્તિઓ તથા સંસ્થાઓ સામે મની લોન્ડરિંગ એક્ટ હેઠળ ફરિયાદ દાખલ કરવામાં આવી છે. આ બેંક કૌભાંડમાં ખોટા દસ્તાવેજો અને નાણાંની હેરાફેરી મારફતે બેંકને કરોડો રૂપિયાનો ચૂનો લગાવવામાં આવ્યો હોવાનું તપાસમાં બહાર આવ્યું છે. કાયદાકીય રાહે આ કેસમાં હવે આગળની કડક કાર્યવાહી હાથ ધરવામાં આવશે. *