નવી દિલ્‍હી તા.૧૧: મુકેશ અંબાણીની કંપની, રિલાયન્‍સ ઇન્‍ડસ્‍ટ્રીઝ, અમેરિકામાં બનનારી ઓઇલ રિફાઇનરીમાં રોકાણ કરશે. યુએસ રાષ્ટ્રપતિ ડોનાલ્‍ડ ટ્રમ્‍પે આ જાહેરાત કરી છે અને આ માટે રિલાયન્‍સને આભાર માન્‍યો છે. આ ઓઇલ રિફાઇનરી ૫૦ વર્ષ પછી અમેરિકામાં બનવા જઈ રહી છે. આ પ્રોજેક્‍ટ આશરે ડોલર ૩૦૦ બિલિયનનો છે.અમેરિકાના રાષ્ટ્રપતિ ડોનાલ્‍ડ ટ્રમ્‍પે ટેક્‍સાસમાં ઼૩૦૦ બિલિયન (આશરે રૂ. ૨૫.૩૫ લાખ કરોડ) ની ઓઇલ રિફાઇનરી બનાવવાની જાહેરાત કરતી વખતે ભારત અને તેની સૌથી મોટી ખાનગી ઉર્જા કંપની રિલાયન્‍સનો આભાર માન્‍યો.તેને ઐતિહાસિક રોકાણ ગણાવતા ટ્રમ્‍પે કહ્યું કે તે અમેરિકા ફર્સ્‍ટ નીતિ માટે એક મોટી જીત છે. આ પ્રોજેક્‍ટ દ્વારા અમેરિકા ઉર્જા ક્ષેત્રમાં પોતાનું વર્ચસ્‍વ ફરીથી સ્‍થાપિત

આ રિફાઇનરી ટેક્‍સાસના બ્રાઉન્‍સવિલે બંદર પર બનાવવામાં આવશે. ટ્રમ્‍પે સોશિયલ મીડિયા પ્‍લેટફોર્મ ટ્રુથ સોશિયલ પર આ પ્રોજેક્‍ટની જાહેરાત કરતા તેને અમેરિકન ઇતિહાસનો સૌથી મોટો રોકાણ સોદો ગણાવ્‍યો. તેમણે લખ્‍યું કે આ અમેરિકન ઇતિહાસનો સૌથી મોટો સોદો છે.

ટ્રમ્‍પના મતે, આ રિફાઇનરી અમેરિકા ફર્સ્‍ટ રિફાઇનિગ દ્વારા બનાવવામાં આવશે. ભારતની સૌથી મોટી ખાનગી કંપની રિલાયન્‍સ ઇન્‍ડસ્‍ટ્રીઝ તેમાં રોકાણ કરશે. રિફાઇનરી અંગે ટ્રમ્‍પે લખ્‍યું, આજે મને ગર્વથી જાહેરાત કરવામાં આવે છે કે અમેરિકા ફર્સ્‍ટ રિફાઇનિગ ટેક્‍સાસના બ્રાઉન્‍સવિલેમાં ૫૦ વર્ષમાં અમેરિકાની પ્રથમ નવી ઓઇલ રિફાઇનરી ખોલી રહી છે.

બ્રાઉન્‍સવિલે બંદર યુએસ ગલ્‍ફ કોસ્‍ટ પર એક મુખ્‍ય શિપિગ હબ છે. આ રિફાઇનરી યુએસ સ્‍થાનિક બજારમાં ઇંધણ સપ્‍લાય કરવાની સાથે સાથે વૈશ્વિક ઉર્જા નિકાસને વેગ આપવાની અપેક્ષા રાખે છે. ટ્રમ્‍પે દાવો કર્યો હતો કે આ રિફાઇનરી વિશ્વમાં સૌથી સ્‍વચ્‍છ હશે.

ટ્રમ્‍પે આ રોકાણને તેમના અમેરિકા ફર્સ્‍ટ એજન્‍ડા સાથે જોડ્‍યું. તેમનું કહેવું છે કે પરમિટ પ્રક્રિયાને સરળ બનાવવા અને કર ઘટાડવા જેવી નીતિઓને કારણે અમેરિકામાં મોટા રોકાણો આકર્ષિત થઈ રહ્યા છે.