નવી દિલ્‍હીઃ મધ્ય પૂર્વ માટેના યુ.એસ. સ્પેશિયલ એન્વોય સ્ટીવ વિટકોફે અમેરિકન રાષ્ટ્રપતિના 'એરફોર્સ વન' વિમાનમાં પત્રકારો સાથે વાત કરતા એક ચોંકાવનારી માહિતી આપી છે. તેમણે જણાવ્યું કે ઈરાનના પરમાણુ અને બેલેસ્ટિક મિસાઈલ કાર્યક્રમો અંગે ચાલી રહેલી વાટાઘાટો દરમિયાન, ઈરાની વાટાઘાટકારોએ ૬૦% ના સ્તર સુધી યુરેનિયમનું સંવર્ધન કરવામાં સક્ષમ હોવાની બડાઈ મારી હતી. આટલું જ નહીં, ઈરાની વાટાઘાટકારોએ સ્પષ્ટ શબ્દોમાં અમેરિકાને ધમકી આપતા કહ્યું હતું કે, "અમે તમને કૂટનીતિક રીતે એ વસ્તુઓ ક્યારેય નહીં આપીએ જે તમે તમારી સૈન્ય તાકાતથી છીનવી શક્યા નથી."