ગયા (બિહાર): આધુનિક ટેકનોલોજી AI (આર્ટિફિશિયલ ઇન્ટેલિજન્સ) ના માધ્યમથી જાણીતી હસ્તીઓની છબી ખરડવાના કિસ્સામાં બિહાર પોલીસે કડક કાર્યવાહી કરી છે. ગયા જિલ્લામાંથી એક યુવકની ધરપકડ કરવામાં આવી છે, જેણે મુખ્યમંત્રી નીતીશ કુમારના પુત્ર નિશાંત કુમાર અને પ્રખ્યાત ગાયિકા મૈથિલી ઠાકુર ના વાંધાજનક ફોટા સોશિયલ મીડિયા પર શેર કર્યા હતા.
ધરપકડ કરાયેલા આરોપીએ AI ટેકનોલોજીનો ઉપયોગ કરીને બંને સેલિબ્રિટીઝના ફેક અને અશ્લીલ ફોટા તૈયાર કર્યા હતા. આ તસવીરો સોશિયલ મીડિયા પર વાયરલ થતાં જ વહીવટીતંત્ર એક્શનમાં આવ્યું હતું.
બિહાર પોલીસે ડિજિટલ પુરાવાના આધારે આરોપીને ટ્રેસ કરીને તેની ધરપકડ કરી છે.
આરોપી પર IT એક્ટની ગંભીર કલમો હેઠળ ગુનો નોંધવામાં આવ્યો છે.
પોલીસ હવે એ તપાસ કરી રહી છે કે આ ફોટા પાછળ કોઈ મોટું કાવતરું કે અન્ય કોઈની સંડોવણી છે કે કેમ.
આ ઘટનાએ ફરી એકવાર AI ના જોખમો વિશે ચર્ચા જગાવી છે. ટેકનોલોજીનો આવો દુરુપયોગ કોઈની પણ પ્રતિષ્ઠાને નુકસાન પહોંચાડી શકે છે. બિહાર પોલીસે સ્પષ્ટ સંદેશ આપ્યો છે કે સોશિયલ મીડિયા પર વાંધાજનક સામગ્રી ફેલાવનારાઓને છોડવામાં આવશે નહીં.