મુંબઇ તા.૧૬:  ભારતીય શેરબજારમાં વિદેશી પોર્ટફોલિયો રોકાણ (FPI) ની વેચાણ ચાલુ છે. માર્ચના પહેલા બે અઠવાડિયામાં, વિદેશી રોકાણકારોએ સ્‍થાનિક ઇક્‍વિટી બજારમાંથી ૫૨,૭૦૪ કરોડ રૂપિયા પાછા ખેંચી લીધા. આ વેચાણ એવા સમયે થયું છે જ્‍યારે મધ્‍ય પૂર્વમાં તણાવ વધી રહ્યો છે અને ક્રૂડ ઓઈલ પ્રતિ બેરલ ૧૦૦ ડોલરના આંકને વટાવી ગયું છે.

ફેબ્રુઆરીની શરૂઆતમાં, FPIs એ બજારમાં ૨૨,૬૧૫ કરોડ રૂપિયાનું રોકાણ કર્યું હતું, જે છેલ્‍લા ૧૭ મહિનામાં સૌથી વધુ સ્‍તર છે. જોકે, માર્ચની શરૂઆતથી, વિદેશી રોકાણકારો દરેક ટ્રેડિગ દિવસે ચોખ્‍ખા વેચાણકર્તા રહ્યા છે.

બજારના નિષ્‍ણાતો માને છે કે આ ભારે વેચવાલી પાછળ અનેક વૈશ્વિક અને સ્‍થાનિક પરિબળો જવાબદાર છે. એન્‍જલ વનના સિનિયર ફંડામેન્‍ટલ એનાલિસ્‍ટ વકાર જાવેદ ખાનના મતે, પﾍમિ એશિયામાં વધતા તણાવ અને હોર્મુઝ રૂટ પર પુરવઠામાં વિક્ષેપના ભયને કારણે બ્રેન્‍ટ ક્રૂડ ઼૧૦૦ પ્રતિ બેરલથી ઉપર પહોંચી ગયું છે. આના કારણે રોકાણકારો જોખમી સંપત્તિઓમાંથી પૈસા સુરક્ષિત વિકલ્‍પો તરફ વાળવા લાગ્‍યા છે. વધુમાં, ડોલર સામે ભારતીય રૂપિયો ૯૨ ના આંકને પાર કરી ગયો છે અને યુએસ બોન્‍ડ યીલ્‍ડમાં વધારો થયો છે જેના કારણે પણ દબાણ આવ્‍યું છે.

જિયોજિત ઇન્‍વેસ્‍ટમેન્‍ટ્‍સના ચીફ ઇન્‍વેસ્‍ટમેન્‍ટ સ્‍ટ્રેટેજિસ્‍ટ વીકે વિજયકુમારે જણાવ્‍યું હતું કે છેલ્‍લા ૧૮ મહિનામાં, ભારતીય બજારમાં વિકસિત અને અન્‍ય ઉભરતા બજારો કરતાં ઓછું વળતર મળ્‍યું છે.

આના કારણે ભારતમાં વિદેશી રોકાણકારોના રસમાં ઘટાડો થયો છે. તેમના મતે, દક્ષિણ કોરિયા, તાઇવાન અને ચીન હાલમાં ભારત કરતાં વધુ આકર્ષક દેખાય છે કારણ કે, તાજેતરના ઘટાડા પછી, ત્‍યાં મૂલ્‍યાંકન સસ્‍તું છે અને કોર્પોરેટ કમાણીની સંભાવનાઓ વધુ સારી દેખાય છે.

ક્ષેત્રની દ્રષ્ટિએ, ૨૦૨૫માં અત્‍યાર સુધી IT ક્ષેત્રને સૌથી વધુ ફટકો પડ્‍યો છે.

IT ક્ષેત્રઃ આશરે રૂા.૭૪,૭૦૦ કરોડનો ઉપાડ નોંધાયો છે. આ આવક વૃદ્ધિમાં મંદી અને વૈશ્વિક ટેક ખર્ચમાં ઘટાડાને કારણે થયો છે.

FMCG ક્ષેત્રઃ શહેરી વપરાશમાં ઘટાડો અને માર્જિન દબાણને કારણે રૂા.૩૬,૮૦૦ કરોડનો ઉપાડ નોંધાયો છે.

વીજળી અને આરોગ્‍યસંભાળઃ આ ક્ષેત્રોમાં રૂા.૨૪,૦૦૦ થી રૂા.૨૬,૦૦૦ કરોડનું વેચાણ જોવા મળ્‍યું.

જોકે, રોકાણકારોએ ટેલિકોમ, તેલ અને ગેસ, ધાતુઓ અને રસાયણો જેવા ક્ષેત્રોમાં તેમના રોકાણમાં વધારો કર્યો છે, જે દર્શાવે છે કે નાણાં હવે સ્‍થાનિક મૂલ્‍ય અને કોમોડિટી શેરો તરફ વળી રહ્યા છે.

વિદેશી રોકાણકારો દ્વારા નાણાકીય અને બેંકિગ શેરોમાં વેચાણથી આ ક્ષેત્રોના મૂલ્‍યાંકનમાં નોંધપાત્ર ઘટાડો થયો છે. નિષ્‍ણાતો કહે છે કે જ્‍યારે વિદેશી રોકાણકારો બહાર નીકળી રહ્યા છે, ત્‍યારે આ શેરો હવે સ્‍થાનિક રોકાણકારોને આકર્ષક ભાવે ઉપલબ્‍ધ છે. માર્ચના બીજા ભાગમાં બજારનું સેન્‍ટિમેન્‍ટ સાવધ રહે છે.