છેલ્લા 8 દિવસમાં સૌથી લોકપ્રિય POK લોહિયાળ બન્યું: ૧૨૦ના મોત 2:41 PM
સાત વિદેશીઓ દેશમાં અશાંતિ ફેલાવવાનો પ્રયાસ કરી રહ્યા હતા
NIA એ ભારતમાં અશાંતિ ભડકાવવા અને આતંકવાદી પ્રવૃત્તિઓમાં સામેલ હોવાના આરોપમાં સાત વિદેશીઓની ધરપકડ કરી : ધરપકડ કરાયેલા વિદેશીઓમાંથી છ યુક્રેનિયન નાગરિક છે અને એક અમેરિકન છે
નવી દિલ્હી તા.૧૮: રાષ્ટ્રીય તપાસ એજન્સી (NIA) એ આતંકવાદી પ્રવૃત્તિઓમાં સામેલ કથિત રીતે સાત વિદેશીઓની ધરપકડ કરીને દેશને મોટા આતંકવાદી હુમલાથી બચાવ્યો છે. ધરપકડ કરાયેલા આ વિદેશીઓમાંથી છ યુક્રેનિયન નાગરિક છે અને એક અમેરિકન છે. તેમના પર પ્રવાસી વિઝા પર ભારતમાં પ્રવેશવાનો અને પછી ગુવાહાટી અને મિઝોરમ થઈને ગેરકાયદેસર રીતે સરહદ પાર કરીને મ્યાનમાર પહોંચવાનો આરોપ છે.
તેઓએ કથિત રીતે ડ્રોન હુમલા કરવા માટે ત્યાં ભારત વિરુદ્ધ પ્રવૃત્તિઓમાં રોકાયેલા વંશીય સશષ જૂથો (EAGs) ને તાલીમ આપી હતી. સૂત્રોએ જણાવ્યું હતું કે એવી પણ ચિંતા છે કે ધરપકડ કરાયેલા સાત વિદેશીઓમાંથી છ, યુક્રેનિયન નાગરિકો, ૧૪ યુક્રેનિયન નાગરિકોના જૂથનો ભાગ હતા જે પ્રવાસી વિઝા પર ભારત આવ્યા હતા. તેમાંથી છની ધરપકડ કરવામાં આવી હતી, જ્યારે બાકીના નવને શોધી કાઢવામાં આવી રહ્યા છે. આ બધા વિદેશી આરોપીઓ ડ્રોન અને અન્ય સાધનોથી સજ્જ હતા.
આ કેસમાં NIA દ્વારા કોઈ સત્તાવાર માહિતી શેર કરવામાં આવી નથી, પરંતુ સૂત્રોએ જણાવ્યું હતું કે અત્યાર સુધીની તપાસમાં જાણવા મળ્યું છે કે આ આરોપીઓ મ્યાનમારના બળવાખોર જૂથો સાથે સંપર્કમાં હતા જે ભારતમાં અશાંતિ ભડકાવવાનો પ્રયાસ કરી રહ્યા છે.
સૂત્રો કહે છે કે ધરપકડ કરાયેલા વિદેશી આરોપીઓએ મ્યાનમારમાં કેટલાક ભારતીય બળવાખોર જૂથોને ડ્રોન ઓપરેશન, ડ્રોન હુમલા અને જામિગ તકનીકોમાં તાલીમ આપી હતી. તેમના પર ભારતમાં કાર્યરત પ્રતિબંધિત આતંકવાદી સંગઠનો અને ગેંગને નાણાકીય અને અન્ય સહાય પૂરી પાડવાનો પણ આરોપ છે.
ભંડોળ ક્યાંથી આવ્યું? NIA આ પાછળ કોણ હેન્ડલર્સ છે તેની પણ તપાસ કરી રહી છે. શું આમાં કોઈ દેશ સામેલ છે, અથવા કેટલાક આતંકવાદી સંગઠનો ભારતીય ભૂમિની બહાર કાર્યરત છે? કોના હેન્ડલર્સે આ પ્રયાસ કર્યો હતો?
સૂત્રોએ જણાવ્યું હતું કે ધરપકડ કરાયેલા સાત વિદેશીઓમાંથી, એક અમેરિકન, મેથ્યુ આર. વાન ડાઇક, કોલકાતા એરપોર્ટ પર પકડાયો હતો. બાકીના છ યુક્રેનિયન નાગરિકોમાંથી, ત્રણને દિલ્હી એરપોર્ટ પર અને ત્રણને કોલકાતા એરપોર્ટ પર પકડવામાં આવ્યા હતા. ૧૩ માર્ચે તેમની ધરપકડ કરવામાં આવી હતી. તપાસમાં એ પણ બહાર આવ્યું છે કે આરોપીઓ AK-47 રાઈફલથી સજ્જ અજાણ્યા આતંકવાદીઓ સાથે સીધા સંપર્કમાં હતા.
NIA તેમની પાસેથી જપ્ત કરાયેલા મોબાઈલ ફોન અને અન્ય ગેજેટ્સની તપાસ કરી રહી છે. તેમનો ડેટા કાઢવામાં આવી રહ્યો છે. મ્યાનમાર આવવા-જવા માટેનો તેમનો ચોક્કસ રસ્તો પણ શોધી કાઢવામાં આવી રહ્યો છે. આ ષડયંત્રના માસ્ટરમાઇન્ડને નક્કી કરવું પણ મહત્વપૂર્ણ છે. વધુમાં, ભવિષ્યમાં આ વ્યક્તિઓ ભારતમાં કયા પ્રકારના આતંકવાદી હુમલા અથવા અશાંતિ ફેલાવવાની યોજના બનાવી રહ્યા હતા તે શોધવું મહત્વપૂર્ણ છે
(10:00 AM IST)
