ઈઝરાયલ અને અમેરિકા સાથે ચાલી રહેલા સંઘર્ષ વચ્ચે ઈરાનના વિદેશ મંત્રી અબ્બાસ અરાઘચીએ સ્પષ્ટ કર્યું છે કે ઈરાનની પરમાણુ નીતિ યથાવત રહેશે અને તેમાં કોઈ જ બાંધછોડ કરવામાં આવશે નહીં. આ સાથે જ તેમણે ક્રૂડ ઓઈલના વૈશ્વિક પરિવહન માટે અત્યંત મહત્વપૂર્ણ ગણાતા હોર્મુઝ સ્ટ્રેટ માટે નવા નિયમો લાગુ કરવાની વાત કરી છે. આંતરરાષ્ટ્રીય મીડિયા રિપોર્ટ્સ અનુસાર, ઈરાન આ સાંકડી સમુદ્રી પટ્ટી પર પોતાનું નિયંત્રણ કડક કરી રહ્યું છે, જેનાથી વિશ્વભરમાં તેલના પુરવઠાને ગંભીર અસર પહોંચી છે. અમેરિકન અને યુરોપિયન રક્ષણાત્મક એજન્સીઓએ આ નિવેદનને ગંભીરતાથી લીધું છે અને ખાડી વિસ્તારમાં પોતાની નૌસેનાની ગતિવિધિઓ સતર્ક કરી દીધી છે. *