રીયાધ તા.૧૯: પﾍમિ એશિયા માં ચાલી રહેલું યુદ્ધ હવે એક અત્‍યંત ભયાનક વળાંક પર પહોંચ્‍યું છે. ઈરાન (Iran) દ્વારા કરવામાં આવેલા સતત મિસાઈલ અને ડ્રોન હુમલાઓએ અખાતી દેશો (Gulf Countries) ની ઊંઘ ઉડાડી દીધી છે. હવે આ મામલે સાઉદી અરેબિયાએ (Saudi Arabia) મૌન તોડતા ઈરાનને ગંભીર પરિણામો ભોગવવાની ચીમકી આપી છે. સાઉદી વિદેશ પ્રધાન પ્રિન્‍સ ફૈઝલ બિન ફરહાન અલ સઉદે (Prince Faisal bin Farhan Al Saud) સ્‍પષ્ટ કર્યું છે કે હવે તેમની ધીરજ ખૂટી રહી છે.

રિયાધમાં આયોજિત એક પત્રકાર પરિષદમાં પ્રિન્‍સ ફૈઝલે ઈરાન પર ગંભીર આક્ષેપો કર્યા હતા. તેમણે જણાવ્‍યું કે ઈરાનના હુમલાઓ કોઈ આકસ્‍મિક ઘટના નથી, પરંતુ ખૂબ જ ઝીણવટભર્યા આયોજન (Strategic Planning) નો ભાગ છે. હુમલાની ચોકસાઈ સાબિત કરે છે કે તેહરાન જાણી જોઈને પડોશી દેશોના ઉર્જા સ્‍થાપનોને નિશાન બનાવી રહ્યું છે.

બુધવારે ઈરાની દળોએ કતારના (Qatar) રાસ લફાન ગેસ પ્‍લાન્‍ટ (Ras Laffan Gas Plant) પર હુમલો કર્યો હતો, જે વિશ્વની સૌથી મોટી ન્‍ફઞ્‍ સુવિધાઓમાંની એક છે. આ ઉપરાંત, સંયુક્‍ત આરબ અમીરાત (UAE) ના હબ્‍શાન ગેસ પ્‍લાન્‍ટ (Habshan Gas Plant) ને પણ નિશાન બનાવાયો હતો, જ્‍યાં UAE ના સંરક્ષણ દળોએ ૧૩ બેલિસ્‍ટિક મિસાઈલ અને ૨૭ ડ્રોન તોડી પાડ્‍યા હતા. સાઉદી અરેબિયા પર પણ રિયાધ તરફ આવતી ચાર મિસાઈલો છોડવામાં આવી હતી, જેને એર ડિફેન્‍સ દ્વારા હવામાં જ નષ્ટ કરી દેવામાં આવી હતી.

´રાનના રિવોલ્‍યુશનરી ગાર્ડ કોર્પ્‍સ (IRGC) એ આ હુમલાઓને ઈઝરાયેલ (Israel) દ્વારા તેમના સાઉથ પાર્સ ગેસ ફિલ્‍ડ પર કરાયેલા હુમલાનો બદલો ગણાવ્‍યો છે. જોકે, સાઉદી અરેબિયાએ આ દાવાને ફગાવી દેતા કહ્યું છે કે ઈરાન આંતરરાષ્ટ્રીય દબાણ લાવવા માટે પડોશી દેશોને બાનમાં લઈ રહ્યું છે. પ્રિન્‍સ ફૈઝલે ચેતવણી આપી છે કે ઈરાનની આ હરકતોએ પરસ્‍પર વિશ્વાસ (Trust Factor) ને કાયમ માટે તોડી નાખ્‍યો છે.