નવી દિલ્હી:  પશ્ચિમ એશિયામાં ઈરાન, ઈઝરાયેલ અને અમેરિકા વચ્ચે વધતા જતા સૈન્ય સંઘર્ષે હવે ભારતીય અર્થતંત્રના પાયા હચમચાવી દીધા છે. વિશ્વના સૌથી વ્યૂહાત્મક દરિયાઈ માર્ગ ગણાતા 'હોર્મુઝ સ્ટ્રેટ' પર યુદ્ધના વાદળો છવાતા વૈશ્વિક ઉર્જા

આર્થિક નિષ્ણાતોના મતે, આંતરરાષ્ટ્રીય બજારમાં કાચા તેલના ભાવમાં થઈ રહેલો વધારો ભારતની વેપાર ખાધને ભયજનક સપાટીએ લઈ જઈ શકે છે. જ્યારે પણ વૈશ્વિક બજારમાં તેલ મોંઘું થાય છે, ત્યારે ભારતનું આયાત બિલ અબજો ડોલર વધી જાય છે, જેના પરિણામે ડોલર સામે ભારતીય રૂપિયાનું મૂલ્ય સતત ઘટી રહ્યું છે. રૂપિયાના નબળા પડવાથી વિદેશથી મંગાવવામાં આવતી દરેક વસ્તુ મોંઘી બને છે, જે અંતે સામાન્ય નાગરિકોના ખિસ્સા પર ભાર વધારે છે. શેરબજારમાં પણ વિદેશી રોકાણકારો દ્વારા કરવામાં આવી રહેલી મોટાપાયે વેચવાલીએ રોકાણકારોના કરોડો રૂપિયા સ્વાહા કરી દીધા છે, જે આ યુદ્ધની આર્થિક ગંભીરતા દર્શાવે છે.

સૌથી મોટો ખતરો ફુગાવા એટલે કે મોંઘવારીનો છે, જે આગામી મહિનાઓમાં સામાન્ય માણસની કમર તોડી શકે છે. ડીઝલ અને પેટ્રોલના ભાવ વધતા ટ્રાન્સપોર્ટેશન ખર્ચમાં વધારો થશે, જે શાકભાજીથી લઈને જીવનજરૂરિયાતની તમામ ચીજવસ્તુઓના ભાવમાં વધારો કરશે. આરબીઆઈ (RBI) માટે પણ વ્યાજ દરોમાં ઘટાડો કરવો હવે મુશ્કેલ બનશે, કારણ કે વધતો ફુગાવો અર્થતંત્રને અસ્થિર કરી રહ્યો છે. ભારત સરકાર અત્યારે રશિયા જેવા વૈકલ્પિક સ્ત્રોતો પાસેથી તેલ મેળવવા મથામણ કરી રહી છે, પરંતુ જો પશ્ચિમ એશિયાનો આ દાવાનળ જલ્દી શાંત નહીં થાય, તો ભારતે એક લાંબા આર્થિક સંઘર્ષ માટે તૈયાર રહેવું પડશે.