મધ્ય પૂર્વ અને પશ્ચિમી દેશો વચ્ચે ફાટી નીકળેલા ભયાનક યુદ્ધની સીધી અસર ભારત પર પણ જોવા મળી રહી છે. આ વૈશ્વિક તંગદિલી વચ્ચે વડાપ્રધાન નરેન્દ્રભાઈ મોદીએ સંસદમાં મહત્વપૂર્ણ નિવેદન આપ્યું છે. તેમણે દેશની સુરક્ષા સુનિશ્ચિત કરવા માટે તમામ કાયદા અમલીકરણ એજન્સીઓ, જાસૂસી સંસ્થાઓ અને પોલીસ દળોને હાઈ એલર્ટ પર મૂકવાની જાહેરાત કરી છે. રાષ્ટ્રીય મીડિયા અહેવાલો મુજબ, સરહદી વિસ્તારોમાં સુરક્ષા સઘન કરવામાં આવી છે અને મહત્વપૂર્ણ ઈન્ફ્રાસ્ટ્રક્ચરની સુરક્ષા વધારી દેવામાં આવી છે. કોઈપણ આંતરિક કે બાહ્ય ખતરાને પહોંચી વળવા માટે ગુપ્તચર એજન્સીઓને સતત નજર રાખવા માટે કડક સૂચના આપવામાં આવી છે.