મુંબઈ,તા.૨૪: મુંબઈમાં, વર્ષ ૨૦૨૬ ના પહેલા મહિના દરમિયાન મહિલાઓ સામે થતાં ગુનાઓના કેસમાં ઘટાડો નોંધાયો હતો. જોકે, વિગતવાર આંકડા પણ પરિસ્‍થિતિની જાટિલતાને બતાવે છે. જાન્‍યુઆરી ૨૦૨૬ માં, મહિલાઓ વિરુદ્ધ કુલ ૫૧૫ કેસ નોંધાયા હતા, જે જાન્‍યુઆરી ૨૦૨૫ માં નોંધાયેલા ૬૨૧  કેસોની તુલનામાં ૧૦૬ કેસનો ઘટાડો દર્શાવે છે.

જ્‍યારે ગુનાઓનો આંકડો મુખ્‍યત્‍વે ઘટ્‍યો છે ત્‍યારે સમયગાળા દરમિયાન ગુનાઓના ઉકેલ થાય હોવાના દરમાં ઘટાડો પણ નોંધાયો હતો. જાન્‍યુઆરી ૨૦૨૬ માં, ગુનાઓનો ઉકેલ થયો હોવાનો દર ૭૯ ટકા હતો, જેમાં ૪૦૫ કેસ ઉકેલાયા. આ દર પાછલા વર્ષ કરતા ઓછો છે, જેના કારણે તપાસ પ્રક્રિયા પર પ્રશ્નો ઉભા થાય છે.

જાન્‍યુઆરી ૨૦૨૬ ના આંકડા અનુસાર, મહિલાની છેડતીના કેસ સૌથી વધુ છે, જેની સંખ્‍યા ૧૭૪ હતી. ત્‍યારબાદ અપહરણના ૧૧૧ અને બળાત્‍કારના ૮૦ કેસ નોંધાયા હતા. અન્‍ય ગુનાઓમાં ઇરાદાપૂર્વક અપમાન સંબંધિત ૭૫ કેસ અને દહેજ માટે હેરાનગતિના ૩૨ કેસનો સમાવેશ થાય છે. આ ડેટા દર્શાવે છે કે વિવિધ પ્રકારના ગુનાઓ નોંધપાત્ર સંખ્‍યામાં સપાટી પર આવી રહ્યા છે.

એકંદરે, કુલ કેસોની સંખ્‍યામાં ઘટાડો થવા છતાં, ઘટતો જતો ઉકેલ દર અને ગંભીર ગુનાઓનો વ્‍યાપ સૂચવે છે કે મહિલાઓની સલામતી સંબંધિત પડકારો હજી પણ યથાવત છે.