ઝુબીન ગર્ગનું મોત એક અકસ્માતઃ કોઈ ષડયંત્ર ન હતું
સિંગાપોર કોર્ટનો ચુકાદો : કોર્ટે સિંગાપુર પોલીસ કોસ્ટ ગાર્ડ (PCG) ની તપાસને યોગ્ય ગણી જેમાં ગાયક ઝુબીન ગર્ગના મોતમાં કોઇ ષડયંત્ર ન હતું
સિંગાપોર,તા.૨૬: સિંગાપોરની એક કોર્ટે ચુકાદો આપ્યો છે કે ગાયક ઝુબીન ગર્ગનું મૃત્યુ આકસ્મિક ડૂબવાથી થયું હતું, જેમાં કોઈપણ ષડયંત્રની વાતનો ઇનકાર કર્યો હતો. બુધવારે એક સ્ટેટ કોરોનરએ સિંગાપોર પોલીસ કોસ્ટ ગાર્ડ (PCG) ની તપાસને સમર્થન આપ્યું હતું જેમાં ગાયક ઝુબીન ગર્ગના મૃત્યુમાં કોઈ ષડયંત્ર મળ્યુ ન હતું. કોર્ટએ ચુકાદો આપ્યો કે ગયા સપ્ટેમ્બરમાં શહેર-રાજ્યના એક ટાપુ નજીક તેમનું મૃત્યુ આકસ્મિક ડૂબવાથી થયું હતું. પીસીજીની તપાસ અંગે ગર્ગની પત્ની દ્વારા ઉઠાવવામાં આવેલી ચિતાઓનો સીધો જવાબ આપતા સ્ટેટ કોરોનર એડમ નખોડાએ કહ્યું કે પીસીજીએ આ મામલે વ્યાપક અને પૂરી રીતે તપાસ હાથ ધરી છે.
નાખોડાએ તારણ કાઢ્યું કે ગર્ગનું મૃત્યુ ફક્ત એક દુર્ભાગ્યપૂર્ણ અને દુઃખદ ડૂબવાને કારણે થયુ છે. અને કોઈએ તેને દબાણ કર્યું ન હતું, બળજબરી કરી ન હતી અથવા તેને પાણીમાં ધકેલી દીધો ન હતો.
ઝુબિન ગર્ગ ૧૯ સપ્ટેમ્બર ૨૦૨૫ ના લાઝરસ ટાપુ નજીક ડૂબી ગયો હતો, નોર્થ ઇસ્ટ ઇન્ડિયા ફેસ્ટિવલમાં પર્ફોર્મ કરવાના એક દિવસ પહેલા ઝુબિન સિગાપોર અને ભારત વચ્ચેના રાજદ્વારી સંબંધોના ૬૦ વર્ષ નિમિત્તે યોજાયેલા ઉજવણીમાં હાજરી આપવા માટે સિગાપોર આવ્યો હતો. ગાયકના મૃત્યુના સમાચાર મળતાં જ ઉત્સવ રદ કરવામાં આવ્યો હતો.
કોરોનરએ જાણ્યુ કે ગર્ગે યોટ ટ્રિપ માટે સંમતિ આપી હતી અને આ વાતનો કોઇ સબૂત નથી મળ્યુ કે તેના માટે બળજબરી કરવામાં આવી હોય. લગભગ ૨૦ લોકોનું એક જૂથ, જેમાં તે એક યાટ પર હતો, લાઝારસ આઇલેન્ડ અને સેન્ટ જોન આઇલેન્ડ વચ્ચે રોકાયું અને દારૂ પીવું, તરવું અને કાયાકિગ જેવી પ્રવૃત્તિઓમાં ભાગ લીધો. ચેનલના અહેવાલ મુજબ સાક્ષીઓએ ગર્ગને દારૂ પીતા જોયો, જેમાં એકે કહ્યું કે તેણે ઘણા કપ લિકર, જિન અને વ્હિસ્કી, તેમજ ગિનિસ સ્ટાઉટના થોડા ચુસ્કીઓ પીધી હતી. ગર્ગે શરૂઆતમાં સ્વિમિગ કરતી વખતે લાઇફ જેકેટ પહેર્યું હતું, પરંતુ પછીથી તેને કાઢી નાખ્યું અને જ્યારે તે લાઝારસ આઇલેન્ડ તરફ તરવા ગયો ત્યારે બીજુ જેકેટ લેવાનો ઇનકાર કર્યો.
સિંગાપોરની કોર્ટે ગાયક ઝુબીન ગર્ગના મૃત્યુને આકસ્મિક ડૂબવું ગણાવ્યું છે, જેમાં ખોટી સાજિશની વાતને નકારી કાઢવામાં આવી છે. ગર્ગનું મૃત્યુ ફક્ત એક દુર્ભાગ્યપૂર્ણ અને દુઃખદ આકસ્મિક ડૂબવું હતું, અને કોઈએ તેને દબાણ કર્યું ન હતું, બળજબરી કરી ન હતી અથવા પાણીમાં ધકેલી દીધો ન હતો.(
(10:00 AM IST)
છેલ્લા 8 દિવસમાં સૌથી લોકપ્રિય 
