ટ્રમ્પ ઢીલા પડયા! સમાધાનની પીપૂડી વગાડી
સંઘર્ષનાં અંતની આશંકાઃ હોર્મુઝ સ્ટ્રેટ બંધ રહે તો પણ ટ્રમ્પ હથિયાર હેઠા મૂકવા માટે તૈયાર : વોલ સ્ટ્રીટ જર્નલનો અહેવાલઃ ઇરાનની સંસદના સ્પીકર સાથે સંઘર્ષનો અંત લાવવા વાટાઘાટો ચાલી રહી છે
વોશિંગ્ટન ડી સી તા.૩૧: એક તરફ અહેવાલો છે કે યુએસ ઈરાન પર ભૂમિ આક્રમણ કરવાની તૈયારી કરી રહ્યું છે, ત્યારે યુએસ રાષ્ટ્રપતિ ડોનાલ્ડ ટ્રમ્પે ઈરાન સામે સંઘર્ષ સમાપ્ત કરવાની પણ તૈયારી બતાવી છે. ટ્રમ્પે દાવો કર્યો છે કે તેઓ ઈરાનની સંસદના સ્પીકર મોહમ્મદ બાઘર ગાલિબાફ સાથે સંઘર્ષનો અંત લાવવા માટે વાટાઘાટો કરી રહ્યા છે.
યુએસના એક પ્રમુખ અખબાર સાથેના ઈન્ટરવ્યું દરમિયાન ટ્રમ્પે દાવો કર્યો કે મોહમ્મદ બાઘર ગાલિબાફ સાથે વાતચીત ચાલી રહી છે, એક અઠવાડિયામાં જાણ થઇ જશે કે તેઓ યુએસ સાથે કામ કરવા તૈયાર છે કે નહીં.
વોલ સ્ટ્રીટ જર્નલે વહીવટી અધિકારીઓને ટાંકીને અહેવાલ આપ્યો છે કે યુએસ પ્રમુખ ડોનાલ્ડ ટ્રમ્પે નજીકના સહાયકોને કહ્યું છે કે તેઓ ઇરાન સામે લશ્કરી અભિયાન સમાપ્ત કરવા માટે તૈયાર છે ભલે હોર્મુઝ સ્ટ્રેટ મોટાભાગે બંધ રહે અને પછીની તારીખે ફરી શરૂ થઈ શકે છે.
વોલ સ્ટ્રીટ જર્નલ અનુસાર, ટ્રમ્પ અને તેમના સહાયકોએ તાજેતરમાં ચિતા વ્યક્ત કરી છે કે સ્ટ્રેટને બળજબરીથી ખોલવા માટે કાર્યવાહી શરૂ કરવાથી ટ્રમ્પની જણાવેલ ચાર થી છ અઠવાડિયાની સમયમર્યાદા પછી સંઘર્ષ લંબાશે.
રિપોર્ટ અનુસાર, ટ્રમ્પે નિર્ણય લીધો છે કે અમેરિકાએ ઇરાનની નૌકાદળને નબળી પાડવા અને તેના મિસાઇલ ભંડારને નુકસાન પહોંચાડવા જેવા તેના મુખ્ય ઉદ્દેશ્યો પ્રાપ્ત કર્યા પછી વર્તમાન લશ્કરી સંઘર્ષને ધીમે ધીમે સમાપ્ત કરવો જોઈએ, અને વેપારના મુક્ત પ્રવાહને દબાણ કરવા માટે તેહરાન પર રાજદ્વારી દબાણ પણ લાવવું જોઈએ.
રિપોર્ટમાં અધિકારીઓને ટાંકીને કહેવામાં આવ્યું છે કે જો આ પ્રયાસ નિષ્ફળ જાય, તો યુએસ યુરોપ અને ગલ્ફ ક્ષેત્રમાં તેના સાથીઓ પર સ્ટ્રેટને ફરીથી ખોલવા માટે દબાણ કરશે.
સોમવારે એક પ્રેસ કોન્ફરન્સમાં, વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું હતું કે રાષ્ટ્રપતિ અને પેન્ટાગોનના વડાએ હંમેશા લશ્કરી કાર્યવાહી માટે ચાર થી છ અઠવાડિયાનો અંદાજિત સમયમર્યાદા આપી છે.
લેવિટે એવો પણ સંકેત આપ્યો કે ઈરાનમાં ચાલી રહેલા લશ્કરી કાર્યવાહીનો બોજ આરબ દેશોને વહેંચવા માટે કહી શકાય.
જ્યારે પૂછવામાં આવ્યું કે શું કુવૈત, યુએઈ અને સાઉદી અરેબિયા જેવા દેશોએ ઈરાનમાં ચાલી રહેલા લશ્કરી કાર્યવાહીનો ખર્ચ ઉઠાવવો જોઈએ, ત્યારે તેણીએ કહ્યું, મને લાગે છે કે આ એક એવો મુદ્દો છે જેમાં રાષ્ટ્રપતિ ખૂબ જ રસ ધરાવતા હશે. હું આ અંગે તેમને અગાઉથી કંઈ કહીશ નહીં, પરંતુ તે ચોક્કસપણે વિચારણાનો વિષય છે, અને મને લાગે છે કે તેઓ તમને આ અંગે વધુ માહિતી આપી શકશે.
ટ્રમ્પે પત્રકારને જણાવ્યું કે,જોઈએ શું થાય છે, હું તમને લગભગ એક અઠવાડિયામાં જણાવીશ.
યુએસના અન્ય એક અખબારના અહેવાલમાં જણાવવામાં આવ્યું કે ટ્રમ્પ તેમન સહાયકોને કહ્યું હતું કે હોર્મુઝ સ્ટ્રેટ બંધ રહે, તો પણ તેઓ ઈરાન સામે લશ્કરી કાર્યવાહીને સમાપ્ત કરવા તૈયાર છે.
અહેવાલમાં જણાવવામાં આવ્યું કે યુએસ યુરોપ અને ગલ્ફમના સાથી દેશો પર હોર્મુઝ સ્ટ્રેટને ફરીથી ખોલવાના પ્રયાસો કરવા માટે દબાણ કરી શકે છે.
નોંધનીય છે કે ગાલિબાફ ટ્રમ્પ અને યુએસના સખત ટીકાકાર છે, તેમણે ટ્રમ્પના દવાને ફગાવી દીધો છે. ઈરાનના વિદેશ મંત્રાલયના પ્રવક્તાએ પણ ટ્રમ્પના આ દવાને ફગાવી દીધો છે.
અગાઉ ટ્રમ્પે એવી પણ ધમકી આપી કે સંઘર્ષનો અંત લાવવાનો સોદો ટૂંક સમયમાં નહીં કરવામાં આવે તો ઈરાનના ઉર્જા સંસાધનો અને ડિસેલિનેશન પ્લાન્ટ સહિત અન્ય મહત્વપૂર્ણ માળખાગત સુવિધાઓનો નાશ કરવામાં આવશે.
ટ્રમ્પની ધમકીને જવાબ આપતા ગાલિબાફે X પર પોસ્ટ કરીને લખ્યું, ‘‘આ મોટી ભૂલ હશે. જો તેઓ એક હુમલો કરશે, તો તેમને ઘણા હુમલા સહન કરવા પડશે. સર્વોચ્ચ વડાના નેતૃત્વ હેઠળ, દુશ્મનને આક્રમણનો કરવાનો પસ્તાવો થશે અને ઈરાનના લોકો તેમના અધિકારો પાછા મેળવશે.
(2:50 PM IST)
છેલ્લા 8 દિવસમાં સૌથી લોકપ્રિય 
