નવી દિલ્હી :દિલ્હીની રાઉઝ એવન્યુ કોર્ટે કેન્દ્રીય નાણામંત્રી નિર્મલા સીતારમણને મોટી રાહત આપી. કોર્ટે તેમની સામે દાખલ કરાયેલ માનહાનિની અરજી ફગાવી દીધી. સુનાવણી દરમિયાન કોર્ટે જણાવ્યું હતું કે માનહાનિની અરજી પર નોંધ લેવાનો કોઈ આધાર નથી.

   આમ આદમી પાર્ટીના નેતા સોમનાથ ભારતીની પત્ની લિપિકા મિત્રાએ રાઉઝ એવન્યુ કોર્ટમાં કેન્દ્રીય મંત્રી નિર્મલા સીતારમણ સામે માનહાનિની ફરિયાદ દાખલ કરી હતી. પોતાની ફરિયાદમાં લિપિકા મિત્રાએ આરોપ લગાવ્યો હતો કે કેન્દ્રીય મંત્રી નિર્મલા સીતારમણે 17 મે, 2024ના રોજ એક પ્રેસ કોન્ફરન્સ દરમિયાન સોમનાથ ભારતીના વૈવાહિક જીવન વિશે ખોટા અને અપમાનજનક નિવેદનો આપ્યા હતા.