નવી દિલ્હી: ઇન્ડિગો દ્વારા આવતીકાલથી ટિકિટના ભાવમાં વધારો કરવામાં આવશે. ડોમેસ્ટિક ટ્રાવેલ સરચાર્જ જે પહેલા ૪૨૫ રૂપિયા ફિક્સ હતો, તેને બદલીને હવે ૨૭૫ થી ૯૫૦ રૂપિયાની વચ્ચે કરવામાં આવ્યો છે.

આંતરરાષ્ટ્રીય રૂટ પર પણ ભાડામાં વધારો જોવા મળશે, જેમાં અગાઉ ૯૫૦ થી ૨,૩૦૦ રૂપિયાની વચ્ચે રહેલા ચાર્જમાં વધારો થશે અને યુરોપના રૂટ માટેના ભાડામાં ૧૦,૦૦૦ રૂપિયા સુધીનો વધારો જોવા મળી શકે છે.

એવિએશન ટર્બાઇન ફ્યુઅલ (એટીએફ) ના ભાવમાં વધારો થવાથી ઇન્ડિગોએ પોતાના ફ્યુઅલ સરચાર્જમાં મોટો ફેરફાર કર્યો છે.

મધ્ય પૂર્વમાં ચાલી રહેલા તણાવને લીધે, ડોમેસ્ટિક ફ્લાઇટ્સના એટીએફ (એટીએફ) ભાવમાં ભારે વધારો કરવામાં આવ્યો છે.

આથી, ૨ એપ્રિલ ૨૦૨૬ થી ડોમેસ્ટિક ફ્લાઇટ્સ પર લાગતો ૪૨૫ રૂપિયાનો ફ્લેટ સરચાર્જ રદ કરવામાં આવ્યો છે. તેની જગ્યાએ હવે અંતર આધારિત (ડિસ્ટન્સ-બેઝ્ડ) સરચાર્જ લાગશે, જે ૨૭૫ રૂપિયાથી ૯૫૦ રૂપિયાની વચ્ચે હશે. (જેમ કે ૫૦૦ કિમી સુધી ૨૭૫ રૂપિયા, ૫૦૧-૧૦૦૦ કિમી માટે ૪૦૦ રૂપિયા, ૧૦૦૧-૧૫૦૦ કિમી માટે ૬૦૦ રૂપિયા, ૧૫૦૧-૨૦૦૦ કિમી માટે ૮૦૦ રૂપિયા અને ૨૦૦૦ કિમીથી વધુ અંતર માટે ૯૫૦ રૂપિયા સરચાર્જ લાગશે).

આંતરરાષ્ટ્રીય ફ્લાઇટ્સ માટે આ સરચાર્જમાં ઘણો મોટો ઉછાળો આવ્યો છે. પહેલા જે ચાર્જ ૪૨૫ રૂપિયાથી ૨,૩૦૦ રૂપિયાની વચ્ચે હતો, તે હવે વધીને ૯૦૦ રૂપિયાથી ૧૦,૦૦૦ રૂપિયા સુધી થઈ ગયો છે. યુરોપ જેવા લાંબા અંતરના રૂટ પર આ સરચાર્જ મહત્તમ ૧૦,૦૦૦ રૂપિયા સુધી વસૂલવામાં આવશે.