અમેરિકાના સંરક્ષણ સચિવ પીટ હેગસેથે અચાનક જ યુએસ આર્મી ચીફ ઓફ સ્ટાફ જનરલ રેન્ડી જ્યોર્જ સહિત ત્રણ ટોચના સૈન્ય અધિકારીઓની હકાલપટ્ટી કરી છે. 

પેન્ટાગોનના સત્તાવાર સૂત્રો અને આંતરરાષ્ટ્રીય ડિજિટલ મીડિયાના રિપોર્ટ્સ અનુસાર, આ નિર્ણય તાત્કાલિક અસરથી લાગુ કરવામાં આવ્યો છે અને તેમને ફરજિયાત નિવૃત્તિ લેવા જણાવાયું છે.

 જનરલ રેન્ડી જ્યોર્જ ઉપરાંત આર્મી ટ્રાન્સફોર્મેશન એન્ડ ટ્રેનિંગ કમાન્ડ (ટીટુકોમ) નું નેતૃત્વ કરી રહેલા ભૂતપૂર્વ આર્મી રેન્જર જનરલ ડેવિડ એમ. હોડને તથા આર્મીના ચેપ્લેન કોર્પ્સના ચીફ મેજર જનરલ વિલિયમ ગ્રીન જુનિયરને પણ તેમના પદ પરથી હટાવવામાં આવ્યા છે. 

આવા અચાનક ફેરફારો પાછળનું સત્તાવાર કારણ પેન્ટાગોન દ્વારા જાહેર કરવામાં આવ્યું નથી, પરંતુ વર્તમાન સમયે ચાલી રહેલા યુદ્ધ અને મધ્ય પૂર્વમાં વધતા લશ્કરી તણાવ વચ્ચે આ આકસ્મિક નેતૃત્વ પરિવર્તનથી અમેરિકન સૈન્ય અને રાજકીય વર્તુળોમાં ભારે ચર્ચા જાગી છે. કેટલાક અહેવાલો માને છે કે નવી લશ્કરી નીતિઓ અંતર્ગત આ વ્યાપક ફેરફારો થઈ રહ્યા છે.