જેરુસલેમ: ઇઝરાયલ અને લેબેનોન વચ્ચે તંગદિલી યથાવત છે. ઇઝરાયલ ડિફેન્સ ફોર્સિસ દ્વારા લેબેનોનમાં બેરૂત સહિતના વિસ્તારોમાં ૧૦૦ થી વધુ હુમલાઓ કરવામાં આવ્યા છે, બીજી તરફ લેબેનોન સાથે વાટાઘાટોને મંજૂરી આપતા શાંતિની આશા પણ જન્મી છે.

મધ્યપૂર્વમાં ચાલી રહેલા સંઘર્ષમાં શાંતિ સ્થાપવાના પ્રયાસો વચ્ચે પરિસ્થિતિ ફરી વણસી રહી છે. અમેરિકા અને ઈરાન વચ્ચે યુદ્ધવિરામની ચર્ચાઓ છતાં ઇઝરાયલના વડાપ્રધાન બેન્જામિન નેતન્યાહૂના આદેશ બાદ ઇઝરાયલ ડિફેન્સ ફોર્સિસે લેબેનોનની રાજધાની બેરૂત અને અન્ય વિસ્તારોમાં ૧૦૦ થી વધુ ઘાતક હુમલાઓ કર્યા છે. આ તાજેતરના પ્રહારોમાં હિઝબુલ્લાહના અંદાજે ૧૦ જેટલા રોકેટ લોન્ચર પેડનો સંપૂર્ણ નાશ કરવામાં આવ્યો છે, જેનાથી લેબેનોનમાં ભારે તબાહી સર્જાઈ છે. 

જોકે, આ આક્રમક વલણ વચ્ચે એક હકારાત્મક બાબત પણ સામે આવી છે કે ઇઝરાયલી વડાપ્રધાને લેબેનોન સાથે વાતચીત શરૂ કરવા માટે લીલી ઝંડી આપી દીધી છે. દરમિયાન, અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે સ્ટ્રેટ ઓફ હોર્મુઝ વિસ્તારમાં ઈરાનની હિલચાલને અત્યંત ખરાબ ગણાવી છે.