નવી દિલ્હી :રશિયા-યુક્રેન યુદ્ધમાં બળજબરીથી લડવા મજબૂર કરાયેલા 26 ભારતીયોની સુરક્ષિત વાપસી માટે સુપ્રીમ કોર્ટે આજે કેન્દ્ર સરકારને નોટિસ પાઠવી છે. ચીફ જસ્ટિસની બેન્ચે આ મામલાને 'હ્યુમન ટ્રાફિકિંગ' ગણાવતા વિદેશ મંત્રાલય અને રશિયામાં ભારતીય રાજદૂત પાસેથી એક અઠવાડિયામાં જવાબ માંગ્યો છે. નોકરીના બહાને છેતરાયેલા આ નાગરિકોના પરિવારોની અરજી પર કોર્ટે રાજદ્વારી સ્તરે તાત્કાલિક પગલાં લેવા નિર્દેશ આપ્યા છે.