નવી દિલ્હી: મહિલા અનામત બિલ મુદ્દે દેશના રાજકારણમાં ગરમાવો આવ્યો છે. કોંગ્રેસના વરિષ્ઠ નેતા અને સાંસદ શશી થરૂરે કેન્દ્ર સરકાર પર આકરા પ્રહારો કરતા જણાવ્યું છે કે, મહિલાઓને પ્રતિનિધિત્વ આપવાના બહાને સરકાર હકીકતમાં સંઘીય માળખા (પર પ્રહાર કરી રહી છે. થરૂરે ચિંતા વ્યક્ત કરી હતી કે ૨૦૨૯ની સામાન્ય ચૂંટણીઓ પહેલા સીમાંકન ની જે તૈયારીઓ થઈ રહી છે, તે ઉત્તર અને દક્ષિણ ભારતના રાજ્યો વચ્ચેના રાજકીય સંતુલનને બગાડી શકે છે. તેમણે આક્ષેપ કર્યો હતો કે સરકાર ખાસ સત્ર બોલાવીને વિપક્ષને વિશ્વાસમાં લીધા વિના એકપક્ષીય નિર્ણયો લઈ રહી છે, જે લોકશાહીની ગરિમા માટે જોખમરૂપ છે.

થરૂરે ઐતિહાસિક સંદર્ભ આપતા યાદ અપાવ્યું કે કોંગ્રેસ હંમેશા ૩૩% મહિલા અનામતની પ્રબળ સમર્થક રહી છે. તેમણે ભારપૂર્વક કહ્યું કે યુપીએ શાસન દરમિયાન ૨૦૧૩માં જ કોંગ્રેસે રાજ્યસભામાં આ બિલ પસાર કરાવી દીધું હતું, જે પક્ષની પ્રતિબદ્ધતા દર્શાવે છે. જોકે, વર્તમાન સરકાર જે રીતે આ કાયદાને લાગુ કરવા માંગે છે તેમાં પારદર્શિતાનો અભાવ છે. કોંગ્રેસ કાર્યકારી સમિતિ (CWC) ની બેઠકમાં પણ એ વાત પર ભાર મૂકવામાં આવ્યો હતો કે મહિલા અનામત સર્વસમાવેશક અને ન્યાયી હોવી જોઈએ, નહીં કે માત્ર આગામી વિધાનસભા ચૂંટણીઓમાં રાજકીય લાભ ખાટવાનું સાધન.

સૌથી ગંભીર મુદ્દો ઉઠાવતા થરૂરે ચેતવણી આપી હતી કે જો સીમાંકન પ્રક્રિયાને યોગ્ય રીતે હેન્ડલ કરવામાં નહીં આવે, તો દક્ષિણ ભારતના અને ઉત્તર-પૂર્વીય રાજ્યોના લોકશાહી અધિકારો પર તરાપ વાગશે. તેમણે સરકારના ઈરાદા પર સવાલ ઉઠાવતા કહ્યું કે મહિલા અનામતના નામે જે વિલંબ કરવામાં આવી રહ્યો છે તે આશ્ચર્યજનક છે. મલ્લિકાર્જુન ખડગેની અધ્યક્ષતામાં વિપક્ષી દળો હવે આ મુદ્દે એકસૂથ થઈને સરકારને ઘેરવાની રણનીતિ બનાવી રહ્યા છે. કોંગ્રેસનો સ્પષ્ટ આરોપ છે કે નરેન્દ્ર મોદી સરકાર મહિલાઓના સશક્તિકરણના નામે માત્ર રાજકીય ખેલ ખેલી રહી છે, જેના ગંભીર બંધારણીય પરિણામો આવી શકે છે.