ભારત ઝડપથી ગ્રીન એનર્જી અને ક્લાઇમેટ ચેન્જના લક્ષ્યાંકો તરફ આગળ વધી રહ્યું છે. હાલમાં જ પ્રકાશિત થયેલા એક ઊંડાણપૂર્વકના અભ્યાસમાં એવો દાવો કરવામાં આવ્યો છે કે ભારત સરકાર દ્વારા નક્કી કરાયેલ ૨૦૩૦ સુધીમાં ૫૦૦ ગીગાવોટ રિન્યુએબલ એનર્જીનો ટાર્ગેટ માત્ર પર્યાવરણ જ નહીં, પરંતુ રોજગારીના મોરચે પણ જંગી ફાયદો કરાવશે. આ લક્ષ્યાંક સિદ્ધ કરવા માટે જે વ્યાપક ઇન્ફ્રાસ્ટ્રક્ચર ઊભું કરવામાં આવશે તેના પરિણામે દેશમાં અંદાજિત ૪૪ લાખ નવી રોજગારીની તકો ઊભી થશે. આમાં મોટાભાગની નોકરીઓ સોલાર પેનલ ઇન્સ્ટોલેશન, વિન્ડ મિલ મેન્ટેનન્સ, ગ્રીન હાઇડ્રોજન પ્રોજેક્ટ્સ અને તેના સપ્લાય ચેઇન મેનેજમેન્ટમાં ઉપલબ્ધ બનશે, જે યુવા વર્ગ માટે મોટી રાહત સમાન છે.*