ખરગોન,તા.૦૪: મધ્‍ય પ્રદેશના ખરગોન શહેરમાં એક ઘરમાં બે ફુટનો કોબ્રા જોવા મળ્‍યો. શરૂઆતમાં તો પરિવારજનો ગભરાઈ ગયા, પરંતુ સાપ હોલમાં વચ્‍ચોવચ ફેણ લગાવીને બેસી ગયો હતો. ડરની વચ્‍ચે પણ પરિવારને શ્રાવણ મહિનો યાદ આવ્‍યો. ભગવાન શિવનું આભૂષણ એવા સર્પદેવને સાક્ષાત્‌ પ્રભુનો સંદેશો સમજીને સાપ જ્‍યાં બેઠો હતો એની પાસે દીવો પ્રગટાવ્‍યો, ફળફૂલ ધરાવ્‍યાં અને બધા દૂર ઊભા રહીને દર્શન કરવા લાગ્‍યા. બે કલાક સુધી સાપ એમ જ બેસી રહ્યો અને પછી પોતાની મેળે ઘરના મુખ્‍ય દરવાજેથી જ બહાર નીકળી ગયો હતો