મુંબઈ : વાયરિંગ હાર્નેસ અને ઓટોમોટિવ કમ્પોનન્ટ્સ ઉત્પાદક કંપની ધૂત ટ્રાન્સમિશન લિમિટેડનો પ્રારંભિક જાહેર ભરણું (IPO) આગામી ૧૦ ઓગસ્ટથી ૧૨ ઓગસ્ટ, ૨૦૨૬ દરમિયાન જાહેર જનતા માટે ખુલ્લો મુકવામાં આવશે. એન્કર ઈન્વેસ્ટર્સ માટે આ ભરણું ૭ ઓગસ્ટ, ૨૦૨૬ના રોજ એક દિવસ માટે બિડિંગ માટે ખુલ્લું રહેશે. કંપનીએ પોતાના આ ઈશ્યુ માટે ₹૨ ની ફેસ વેલ્યુ ધરાવતા શેરદીઠ ₹૮૨૯ થી ₹૮૭૧ ની પ્રાઈઝ બેન્ડ નક્કી કરી છે, જેમાં ફ્લોર પ્રાઈઝ અને કેપ પ્રાઈઝ અનુક્રમે ઇક્વિટી શેરની ફેસ વેલ્યુના ૪૧૪.૫૦ ગણી અને ૪૩૫.૫૦ ગણી છે.

આ લિસ્ટિંગ દ્વારા કંપની ₹૧૪૦ કરોડ સુધીના નવા (ફ્રેશ) ઈક્વિટી શેરો જારી કરશે. આ ઉપરાંત, ઓફર ફોર સેલ (OFS) હેઠળ પ્રમોટર્સ અને વર્તમાન શેરધારકો દ્વારા કુલ ૧,૯૧,૩૭,૬૦૨ ઈક્વિટી શેરોનું વેચાણ કરવામાં આવશે. આ OFS માં પ્રમોટર શેરહોલ્ડર બીસી એશિયા ઈન્વેસ્ટમેન્ટ્સ XV લિમિટેડ દ્વારા ૧,૬૦,૧૮,૭૬૯ શેરો અને મંગલમ કેપિટલ પ્રાઈવેટ લિમિટેડ દ્વારા ૩૧,૧૮,૮૩૩ ઈક્વિટી શેરોનું વેચાણ સામેલ છે. રોકાણકારો માટે ઓછામાં ઓછા ૧ શેર અને તેના ગુણાંકમાં અરજી કરવાનો વિકલ્પ રહેશે.

કંપની નાણાકીય દ્રષ્ટિએ મજબૂત પ્રદર્શન દર્શાવી રહી છે, જેમાં છેલ્લા ત્રણ વર્ષ દરમિયાન સરેરાશ વેઈટેડ રીટર્ન ઓન નેટવર્થ ૨૭.૦૬ ટકા નોંધાયું છે. ઓટોમોટિવ સેક્ટરના સરેરાશ PE રેશિયો ૫૫.૩ ના મૂલ્યાંકન સામે કંપનીનું પ્રાઈઝ-ટુ-અર્નિંગ્સ (P/E) મૂલ્યાંકન પણ આકર્ષક સ્તરે છે. કંપની આ IPO દ્વારા એકત્રિત ભંડોળનો ઉપયોગ તેના વ્યવસાયિક વિસ્તાર અને દેવા ચુકવણી માટે કરશે. આ ઈક્વિટી શેરોનું લિસ્ટિંગ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) બંને પર કરવામાં આવશે.