ફોર્ચ્યુનના સૂર્યમુખી તેલમાં વિટામિન Dનું પ્રમાણ નોંધપાત્ર રીતે ઓછું
ફોર્ચ્યુન ફ્રાયઓલા સૂર્યમુખી તેલનો નમૂનો લેબ ટેસ્ટમાં નિષ્ફળ ગયોઃ FSSAI એ દંડ ફટકાર્યો
નવી દિલ્હી,તા.૮: ફૂડ સેફટી ઓથોરિટી (FSSAI) એ લોકપ્રિય ફોર્ચ્યુન બ્રાન્ડ હેઠળ ખાદ્ય તેલનું ઉત્પાદન કરતી કંપની AWL એગ્રી બિઝનેસ લિમિટેડને દંડ ફટકાર્યો છે. કંપનીના ફોર્ચ્યુન ફ્રાયઓલા રિફાઇન્ડ સૂર્યમુખી તેલનો નમૂનો લેબ ટેસ્ટમાં નિષ્ફળ ગયો. પરીક્ષણમાં જાણવા મળ્યું કે તેલમાં વિટામિન ઝનું પ્રમાણ નિર્ધારિત ધોરણો કરતાં નોંધપાત્ર રીતે ઓછું હતું.
ફૂડ સેફટી અધિકારીઓએ ગોવાના તાજ ફોર્ટ અગુઆડા રિસોર્ટ એન્ડ સ્પામાંથી ફોર્ચ્યુન ફ્રાયઓલા સૂર્યમુખી તેલનો ૧-લિટરનો નમૂનો એકત્રિત કર્યો. આ નમૂનો AWL એગ્રી બિઝનેસના મેંગલોર યુનિટમાં બનાવવામાં આવ્યો હતો. રિપોર્ટની પુષ્ટિ થયા પછી, ગોવાના નિર્ણાયક અધિકારીએ કંપની પર દંડ લાદવાનો આદેશ જારી કર્યો.
ડાબર FSSAI કાર્યવાહી ડાબરનું ૧૦૦% શુદ્ધલેબલ મોંઘુ સાબિત થયું; FSSAI આદેશ પછી કંપનીએ તેનું પેકેજિગ બદલવાનું શરૂ કર્યું
પહેલા લેબ રિપોર્ટમાં જાણવા મળ્યું કે તેલનું વિટામિન A અને D સ્તર FSSAI નિયમો (૨૦૧૮) કરતા ઓછું હતું. ફૂડ સેફટી એન્ડ સ્ટાન્ડર્ડ્સ એક્ટ, ૨૦૦૬ હેઠળ આને હલકી ગુણવત્તાવાળું ગણવામાં આવ્યું હતું. AWL એગ્રી બિઝનેસે પહેલા રિપોર્ટને પડકાર્યો અને ફરીથી પરીક્ષણની વિનંતી કરી. જો કે, બીજી લેબએ પણ પુષ્ટિ આપી કે તેલમાં વિટામિન ડીનું પ્રમાણ નિર્ધારિત મર્યાદાથી નોંધપાત્ર રીતે ઓછું હતું.
FSSAI હાલમાં ખાદ્ય ગુણવત્તા, જાહેરાતો અને દાવાઓ સામે કડક કાર્યવાહી કરી રહ્યું છે. આ સંદર્ભમાં, FSSAI એ PIE ફૂડ્સના મોન્ક ફ્રૂટ સ્વીટનર ઉત્પાદનોના વેચાણ પર પણ પ્રતિબંધ મૂક્યો છે. તાજેતરમાં, ૧૦૦% શુદ્ધતાનો દાવો કરવા બદલ ડાબરના ઘણા ઉત્પાદનો સામે પણ કાર્યવાહી કરવામાં આવી હતી. જો કે, આજે, શુક્રવારે, દિલ્હી હાઈકોર્ટે FSSAI આદેશને ઉલટાવી દીધો અને ડાબરની તરફેણમાં ચુકાદો આપ્યો
(10:17 AM IST)
છેલ્લા 8 દિવસમાં સૌથી લોકપ્રિય 
