દહેરાદૂન : વાળની લંબાઈને લઈને દુનિયામાં એક નવો રેકોર્ડ બન્યો છે. ઉત્તરાખંડની એક યુવતી રેણુએ પોતાના 8 ફૂટ 10 ઇંચ લાંબા વાળથી સૌને ચોંકાવી દીધા છે. રેણુના આ વાળની લંબાઈએ યુક્રેનની આલિયાનો અગાઉનો રેકોર્ડ તોડી નાખ્યો છે.

 

રેણુ છેલ્લા 15 વર્ષથી પોતાના વાળની સંભાળ રાખી રહી છે. તેણે ક્યારેય વાળ કટાવ્યા નથી. રોજિંદા જીવનમાં આટલા લાંબા વાળ સંભાળવા કેટલા મુશ્કેલ છે તેના વિશે રેણુ કહે છે કે "શરૂઆતમાં તકલીફ થતી હતી, પણ હવે આદત પડી ગઈ છે. વાળ મારા માટે ગર્વની વાત છે."

 

રેણુના વાળનો વીડિયો અને ફોટા સોશિયલ મીડિયામાં વાયરલ થયા બાદ લોકો તેને અભિનંદન આપી રહ્યા છે. ઈન્સ્ટાગ્રામ અને ફેસબુક પર #LongestHairIndia ટ્રેન્ડ કરી રહ્યું છે. લોકો રેણુને "વાળોની રાની" કહીને બિરદાવી રહ્યા છે.

 

કેવી રીતે કરે છે સંભાળ?

રેણુ જણાવે છે કે અઠવાડિયામાં 2 વખત વાળ ધોવા પડે છે. તેના માટે 2 લિટર શેમ્પૂ અને કંડિશનર લાગે છે. વાળ સુકાવવામાં 4 થી 5 કલાકનો સમય જાય છે. ઘરમાંથી બહાર જતી વખતે વાળને ચોટલી બનાવીને જવું પડે છે.

 

પરિવારના સભ્યો પણ રેણુના વાળની પૂરેપૂરી મદદ કરે છે. માતા કહે છે કે "અમને તેના પર ગર્વ છે. તેણે આપણા રાજ્યનું નામ રોશન કર્યું છે."

 

હાલ રેણુ ગિનીઝ વર્લ્ડ રેકોર્ડમાં પોતાનું નામ નોંધાવવાની પ્રક્રિયા કરી રહી છે. જો બધું બરાબર રહ્યું તો ટૂંક સમયમાં તે સત્તાવાર રીતે દુનિયાની સૌથી લાંબા વાળવાળી મહિલા બનશે.

 

 

 

 

રેણુના વાળ વિશે 3 રસપ્રદ વાતો

1. લંબાઈ: 8 ફૂટ 10 ઇંચ - એટલે કે લગભગ 2.7 મીટર

2. સમય: 15 વર્ષથી એક પણ વખત વાળ નથી કપાવ્યા 

3. અગાઉનો રેકોર્ડ: યુક્રેનની આલિયાના 8 ફૂટ 5 ઇંચના વાળ હતા