નવી દિલ્‍હી, તા. ૧૧: ખુદીરામ બોઝનો જન્‍મ ૩ ડિસેમ્‍બર ૧૮૮૯ના રોજ પﾍમિ બંગાળના મિદનાપુર જિલ્લાના મોહોબની ગામે થયો હતો. તેમના પિતા ત્રૈલોકયનાથ મારજોલ રાજની જાગીરમાં મહેસુલ અધિકારી હતા.

૧૫ વર્ષની ઉંમરે તેઓ સ્‍વયંસેવક બન્‍યા અને બ્રિટીશ રાજ વિરુદ્ધ ચોપાનિયાં વહેંચવાના ગુનામાં ધરપકડ કરાઈ હતી.

એપ્રિલ ૧૯૦૮માં અનુશીલન સમિતિની એક ગુપ્ત બેઠકમાં કિંગ્‍સફોર્ડની હત્‍યા માટે ખુદીરામના સાથીદાર તરીકે પ્રફુલકુમાર ચાકીની પસંદગી કરવામાં આવી.

એકવાર કિંગ્‍સફોર્ડ તેમની પત્‍ની અને પુત્રી સાથે બ્રિજ રમીને સાંજે લગભગ સાડા આઠ વાગે ઘરે પરત ફરી રહ્યાં હતા. જ્‍યારે તેમની ગાડી યુરોપીય ક્‍લબના પૂર્વ દરવાજે પહોંચી, બન્ને ક્રાંતિકારીઓએ દોડીને ગાડી પર બોમ્‍બ ફેંકી દીધા. આ ભયાનક વિસ્‍ફોટમાં કિંગ્‍સફોર્ડની પત્‍ની અને પુત્રીનું અવસાન થયું.વૈની સ્‍ટેશનેથી તેમની ધરપકડ કરવામાં આવી.

પહેલી મે ના દિવસે ખુદીરામને મુજ્જફરનગરના જિલ્લાધિકારી સમક્ષ રજૂ કરવામાં આવ્‍યા. મેજીસ્‍ટ્રેટ સમક્ષ તેમણે પોતાના ગુનાની કબુલાત કરી. તેમના આ કાર્ય બદલ તેમને ફાંસીની સજા ફરમાવવામાં આવી. ૧૧ ઓગસ્‍ટ ૧૯૦૮ના રોજ તેમને ફાંસી આપવામાં આવી ત્‍યારે તેમની ઉંમર માત્ર ૧૮ વર્ષની હતી.