નવી દિલ્હી: તા.12 ‘કોક્રોચ જનતા પાર્ટી’ (CJP) ના સ્થાપક અભિજીત દિપકેનો એક જૂનો ફોટો હાલ સોશિયલ મીડિયા પ્લેટફોર્મ પર ભારે વાયરલ થઈ રહ્યો છે. આ ફોટામાં તે એક મહિલા સાથે ખૂબ નજીકથી પોઝ આપતા જોવા મળી રહ્યા છે. વર્ષ 2024 માં X (અગાઉનું ટ્વિટર) પર '@aartic02' નામના હેન્ડલ પરથી આ તસવીર શેર કરવામાં આવી હતી. આ પોસ્ટે ઈન્ટરનેટ પર નેટીઝન્સ અને રાજકીય વર્તુળોમાં ભારે કૌતુક સર્જ્યું છે અને મહિલાની ઓળખને લઈને અટકળોનો દોર શરૂ થઈ ગયો છે. 

વાયરલ થયેલી આ પોસ્ટના કેપ્શનમાં લખવામાં આવ્યું હતું કે, "હેપ્પી બર્થડે ડ્યૂડ @abhijeet_dipke, એક એવો વ્યક્તિ જેણે પડદા પાછળ અથાક મહેનત કરી અને AAP SM Rise & Shine માં ગુમ થયેલ ઝિંગ ઉમેર્યું." આ ટ્વિટને લગભગ 3.45 લાખથી વધુ વ્યુઝ મળ્યા છે, જેના કારણે લોકોમાં આ મહિલા વિશે જાણવાની ઉત્સુકતા બેવડાઈ છે. રસપ્રદ વાત એ છે કે આ જ યુઝરે વર્ષ 2021 માં પણ અભિજીત અને અન્ય એક વ્યક્તિ સાથે આવી જ તસવીર પોસ્ટ કરીને તેમને "જીવનનો શ્રેષ્ઠ મિત્ર" કહ્યા હતા. 

આ સુંદર શુભેચ્છાઓના જવાબમાં અભિજીત દિપકે લખ્યું હતું, "તમારા સતત પ્રેમ અને સમર્થન માટે @aartic02 ખૂબ ખૂબ આભાર." જેના જવાબમાં મહિલાએ હાર્ટ ઇમોજી સાથે "લવ યુ" લખીને વળતો ઉત્તર આપ્યો હતો. બંને વચ્ચેની આ વાતચીત અને ખાસ બોન્ડિંગને કારણે યુઝર્સ તેમના સંબંધો અંગે તર્ક-વિતર્ક કરી રહ્યા છે, જોકે તેઓ રોમેન્ટિક રીતે જોડાયેલા છે કે કેમ તે અંગે કોઈ સત્તાવાર પુષ્ટિ થઈ નથી. 

સોશિયલ મીડિયા પ્રોફાઈલમાં આ મહિલાના વ્યવસાય અંગે કોઈ સ્પષ્ટ ઉલ્લેખ નથી, પરંતુ પંજાબ રાજ્યની ચૂંટણીઓ બાદ NDTV દ્વારા લેવામાં આવેલા એક જૂના ઈન્ટરવ્યુમાં તેમની સાચી ઓળખ સામે આવી હતી. તે મહિલા બીજું કોઈ નહીં પણ આરતી ચઢ્ઢા છે, જે આમ આદમી પાર્ટી (AAP) ની સોશિયલ મીડિયા વિંગમાં સક્રિય રીતે કામ કરી ચૂકી છે. 

અભિજીત દિપકે પણ વર્ષ 2020 થી 2023 દરમિયાન અરવિંદ કેજરીવાલની આગેવાની હેઠળની આમ આદમી પાર્ટીના ડિજિટલ અને સોશિયલ મીડિયા પ્રચારનું સંચાલન કર્યું હતું. તેમણે મીમ-આધારિત ડિજિટલ ઝુંબેશ દ્વારા પક્ષના યુવા સંપર્ક અને ડિજિટલ બ્રાન્ડિંગને નવી ઊંચાઈઓ આપી હતી. રાજકીય વર્તુળો અને સોશિયલ મીડિયા પ્લેટફોર્મ પર હાલમાં આ તસવીરો અને તેમની વચ્ચેની કેમેસ્ટ્રી ભારે ચર્ચાનો વિષય બનેલી છે.