બાળ સુરક્ષા નિયમોનું કડક અમલીકરણ કરવું પડશેઃ સરકારે મેટાને આપી ચેતવણી
વોટસએપ યુઝરનેમ પ્રાઈવસી અને એઆઈ કન્ટેન્ટ લેબલિંગ અંગે નિયમો પાલન કરવાનો આદેશ આપ્યો
નવી દિલ્હી, તા.૧૮: ભારત સરકારે સોશિયલ મીડિયા જાયન્ટ મેટાને બાળ સુરક્ષા કાયદાઓના કડક અમલીકરણ અંગે સ્પષ્ટ અને આકરી ચેતવણી આપી છે. ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલયના વરિષ્ઠ સૂત્રો મુજબ, જો કોઈ પણ ડિજિટલ પ્લેટફોર્મ બાળ જાતીય શોષણ સામગ્રીથી સંબંધિત નિયમોનું ઉલ્લંઘન કરશે, તો તેમને આઈટી એક્ટ હેઠળ મળતી ‘સેફ હાર્બર' કાનૂની સુરક્ષાની છત્રછાયા તાત્કાલિક અસરથી દૂર કરવામાં આવશે. સરકારે સ્પષ્ટ કહી દીધું છે કે ભારત દેશના કાયદા તમામ ટેક પ્લેટફોર્મ માટે શિરોમાન્ય છે અને હવે સુરક્ષા બાબતે કોઈ પણ -કારનું આત્મસંતુષ્ટ વલણ કે બેદરકારી સાંખી લેવામાં આવશે નહીં.
સરકાર અને મેટા વચ્ચે ચાલી રહેલી આ ઉચ્ચ સ્તરીય બેઠકોમાં ભારતીય સંસ્કળતિ, સાંસ્કળતિક વિવિધતા અને વિવિધ પ્રાદેશિક ભાષાઓને ધ્યાનમાં રાખીને કન્ટેન્ટ મોડરેશન સિસ્ટમને વધુ સુદ્રઢ બનાવવાની સૂચના આપવામાં આવી છે. માત્ર વૈશ્વિક ધોરણોના આધારે ગેરકાયદે કન્ટેન્ટને ફિલ્ટર કરવું ભારતના વૈવિધ્યસભર વાતાવરણમાં પૂરતું નથી. સરકારના આકરા વલણ બાદ મેટા તરફથી પણ CSAM ને રોકવા માટે અગાઉ કરતાં વધુ સંવેદનશીલતા અને સક્રિય ટેકનોલોજીકલ પગલાં ભરવાની તૈયારી દર્શાવવામાં આવી છે.
આ ઉપરાંત, વોટ્સએપના નવા યુઝરનેમ ફીચર તેમજ એઆઈ-જનરેટેડ કન્ટેન્ટના લેબલિંગ અંગે પણ મંત્રાલયે કડક તપાસ શરૂ કરી છે. યુઝરનેમ ફીચરના કારણે થતી સાયબર છેતરપિંડી કે ઓળખની ચોરી અટકાવવા માટે સમગ્ર ટેક ઉદ્યોગના ધોરણોને ચકાસવામાં આવી રહ્યા છે. તેમજ યુઝર્સ જે કન્ટેન્ટ જોઈ રહ્યા છે તે વાસ્તવિક છે કે કળત્રિમ બુદ્ધિમત્તા દ્વારા તૈયાર કરાયેલું છે તે ઓળખવાનો અધિકાર યુઝરનો હોવાથી, સરકારે એઆઈ કન્ટેન્ટ પર સ્પષ્ટ ડિજિટલ લેબલ લગાવવાનું પણ ફરજિયાત બનાવ્યું છે.
(2:57 PM IST)
છેલ્લા 8 દિવસમાં સૌથી લોકપ્રિય 
