CJPની સંસદ માર્ચ ગેરકાનુની હતીઃ દેખાવકારોમાં હિસ્ટ્રીશીટર હતા
સંસદ માર્ચમાં દેખાવકારોએ બેરીકેડ તોડયાઃ પોલીસને માર માર્યોઃ હિંસા પર ઉતર્યા : પોલીસે સુપ્રિમ કોર્ટમાં દાખલ કર્યુ સોગંદનામુઃ જંતરમંતર પર ૩૦ હજારનું ટોળું હતું સુરક્ષા દળો પર હૂમલો કરતા બળપ્રયોગ કરવો પડયો
નવી દિલ્હી, તા.૧૮: દિલ્હી પોલીસે મંગળવારે સુપ્રીમ કોર્ટને જણાવ્યું હતું કે ૨૦ જુલાઈના રોજ સંસદ કૂચ ગેરકાયદેસર અને પરવાનગી વિનાની હતી. જંતર-મંતર પર થયેલા વિરોધ પ્રદર્શનમાં ઘણા હિસ્ટ્રીશીટરોએ પણ ભાગ લીધો હતો.
પોલીસે જણાવ્યું હતું કે સંસદ કૂચ દરમિયાન વિરોધીઓએ બેરિકેડ તોડી નાખ્યા હતા અને પોલીસ પર હુમલો કર્યો હતો, જેના કારણે વિરોધ અશાંતિપૂર્ણ બન્યો હતો. પરિસ્થિતિને કાબૂમાં લેવા માટે બળનો ઉપયોગ કરવામાં આવ્યો હતો, પરંતુ વિરોધીઓ સામે વધુ પડતો બળનો ઉપયોગ કરવામાં આવ્યો ન હતો.
પોલીસ અતિરેકની કોર્ટ-નિરીક્ષણ હેઠળ તપાસની માંગ કરતી અરજીઓના જવાબમાં દાખલ કરાયેલા સોગંદનામામાં ડેપ્યુટી પોલીસ કમિશનર સચિન શર્માએ આ માહિતી આપી હતી. ચાર સંબંધિત અરજીઓમાં પણ આ જ જવાબનો ઉપયોગ કરવામાં આવશે.
પોલીસ અને પ્રદર્શનકારીઓને થયેલી ઇજાઓ પર - ૨૦ જુલાઈના રોજ, જંતર-મંતરની આસપાસ ૩૦,૦૦૦ થી વધુ -દર્શનકારીઓ હાજર હતા. આશરે ૩ કિલોમીટરના વિસ્તારમાં ફેલાયેલી ભીડને નિયંત્રિત કરવા માટે આશરે ૫,૦૦૦ પોલીસ કર્મચારીઓ તૈનાત કરવામાં આવ્યા હતા. અથડામણમાં ૨૪૦ થી વધુ પોલીસ કર્મચારીઓ અને આશરે ૨૦૦ પ્રદર્શનકારીઓ ઘાયલ થયા હતા.
નખ ચોંટાડેલા દંડાના આરોપો પર - અરજીઓમાં પસંદગીના ફોટોગ્રાફ્સ, અધૂરા વિડિઓઝ અને અપ્રમાણિત મીડિયા અહેવાલોનો ઉપયોગ કરવામાં આવ્યો હતો. આ પોલીસ કાર્યવાહીના સંપૂર્ણ સંદર્ભને પ્રતિબિંબિત કરતા નથી. વિડિઓ આવા દંડાના ઉપયોગની માત્ર એક જ ઘટના દર્શાવે છે, જે એક પ્રદર્શનકારીના હાથમાં હતી.
પ્રદર્શકોએ પોલીસ પર હુમલો કર્યો - પ્રદર્શનકારીઓએ બેરિકેડ તોડી, પોલીસ પર હુમલો કર્યો અને તેમના રક્ષણાત્મક સાધનો છીનવી લીધા. ત્યારબાદ, હિંસા રોકવા માટે કાનૂની પગલાં લેવામાં આવ્યા. બળનો ઉપયોગ જરૂરી બન્યો. ભીડને નિયંત્રણ માટે દંડા એક માન્ય સાધન છે.
પોલીસ કર્મચારીઓ નાગરિક પોશાકમાં હોવા અંગે - સ્પેશિયલ બ્રાન્ચ, સ્પેશિયલ સેલ, ક્રાઈમ બ્રાન્ચ અને સ્થાનિક પોલીસ કર્મચારીઓ ભીડમાં નાગરિક પોશાકમાં તૈનાત હતા. આ એક સામાન્ય સુરક્ષા વ્યૂહરચના છે.
જંતર-મંતર ખાતે હિસ્ટ્રીશીટરોના આગમન પર - વિરોધ પ્રદર્શનમાં અસામાજિક તત્વો અને ગુનાહિત રેકોર્ડ ધરાવતા લોકો પણ સામેલ હતા. લગભગ ૨,૮૭૩ વિરોધીઓ સામે હત્યા, હત્યાનો પ્રયાસ, લૂંટ, બળાત્કાર અને POCSO સહિતના કેસ નોંધાયેલા છે. SIT આ કેસોની તપાસ કરશે.
ફેશિયલ રેકગ્નિશનના ઉપયોગ પર - ફેશિયલ રેકગ્નિશન સોફ્ટવેર દરેક વ્યક્તિનું પ્રોફાઇલ બનાવતું નથી અને શાંતિપૂર્ણ પ્રદર્શનકારીઓ પર નજર રાખતું નથી. તેનો ઉપયોગ ગંભીર ગુનાહિત રેકોર્ડ ધરાવતા લોકોને ઓળખવા માટે થાય છે. ફક્ત ચહેરાની ઓળખના આધારે કાર્યવાહી કરવામાં આવતી નથી. ફિલ્ડ વેરિફિકેશન પણ કરવામાં આવે છે. નાના કેસ અથવા ટ્રાફિક ચલણ ધરાવતા લોકોની ઓળખ કરવામાં આવતી નથી.
રાજધાની દિલ્હીના જંતર-મંતર પર કોકરોચ જનતા પાર્ટીના પ્રદર્શન દરમિયાન થયેલી હિંસા મામલે દિલ્હી પોલીસે દેશની સર્વોચ્ચ અદાલતમાં ધડાકાભેર સોગંદનામું દાખલ કર્યું છે. પોલીસે સુપ્રીમ કોર્ટને જણાવ્યું કે ૨૦ જુલાઈના રોજ યોજાયેલી બિનઅધિકળત સાંસદ ચલો માર્ચ દરમિયાન લગભગ ૩૦,૦૦૦ વિરોધીઓના હિંસક ટોળાએ સુરક્ષા કોર્ડન પર ભયાનક હુમલો કર્યો હતો. પોલીસના જણાવ્યા મુજબ, પરિસ્થિતિને કાબૂમાં લેવા માટે સુરક્ષા દળોએ મહત્તમ સંયમ રાખીને માત્ર ‘લઘુત્તમ જરૂરી બળ'નો જ ઉપયોગ કર્યો હતો.
ડીસીપી (નવી દિલ્હી) સચિન શર્મા દ્વારા રજૂ કરાયેલા આ સોગંદનામામાં ચોંકાવનારા ખુલાસા કરવામાં આવ્યા છે. પોલીસે ડિજિટલ પુરાવા ટાંકીને કોર્ટને માહિતી આપી હતી કે પ્રદર્શનકારીઓમાં અનેક તોફાનીઓ અને ગુનાહિત માનસિકતા ધરાવતા તત્વો સામેલ હતા. કોઈપણ ઉશ્કેરણી વગર આ ટોળાએ પોલીસકર્મીઓ પર લાકડીઓ અને પથ્થરો વડે જાનલેવા હુમલો કર્યો હતો, જે લગભગ મોબ લિંચિંગ જેવી સ્થિતિ સમાન હતો. આ હિંસામાં ૨૪૦ સુરક્ષાકર્મીઓ ગંભીર રીતે ઘાયલ થયા હતા.
પરિસ્થિતિની ગંભીરતા દર્શાવતા પોલીસે સ્પષ્ટ કર્યું કે ઘટનાસ્થળે ૩,૬૦૦ થી વધુ બેરિકેડ્સના સ્તર ઉભા કરીને ૫,૦૦૦ સુરક્ષા કર્મચારીઓ તૈનાત કરવામાં આવ્યા હતા. તેમ છતાં, ૨૧ જૂનથી અમલી ઘ્શ્વભ્ઘ્ ની કલમ ૧૬૩ નો ભંગ કરીને હિંસક ટોળાએ બેરિકેડ્સ તોડી સંસદ તરફ ધસી જવાનો પ્રયાસ કર્યો હતો. પોલીસે અદાલત સમક્ષ ભારપૂર્વક જણાવ્યું કે તમામ કાયદાકીય મર્યાદાઓનું પાલન કરવામાં આવ્યું હતું અને કાયદો તથા વ્યવસ્થા જાળવવા માટે બળપ્રયોગ કરવો અનિવાર્ય બન્યો હતો.
આ મામલે વિરોધીઓ દ્વારા પોલીસની કામગીરી સામે અતિશય બળપ્રયોગનો આરોપ લગાવતી અરજીઓ બાદ સુપ્રીમ કોર્ટે કેન્દ્ર અને દિલ્હી સરકાર પાસે જવાબ માંગ્યો હતો. કોર્ટે આ સમગ્ર ઘટનાની નિષ્પક્ષ તપાસ માટે એક વિશેષ સમિતિ બનાવવાની શકયતા પણ દર્શાવી છે. હાલમાં આ કેસમાં કાયદાકીય સમીક્ષા ચાલી રહી છે, અને સુપ્રીમ કોર્ટના આગામી નિર્ણય પર સૌની નજર ટકેલી છે.
(3:34 PM IST)
છેલ્લા 8 દિવસમાં સૌથી લોકપ્રિય 
