મુંબઇઃ શેરબજારમાં રોકાણ કે ટ્રેડિંગ કરો છો, તો ૩ ઓગસ્ટ ૨૦૨૬, સોમવારથી લાગુ થવા જઈ રહેલા નવા નિયમો વિશે જાણી લેવું અત્યંત જરૂરી છે. ભારતીય સિક્યોરિટીઝ એન્ડ એક્સચેન્જ બોર્ડ અને નેશનલ સ્ટોક એક્સચેન્જ દ્વારા યોગ્ય ફ્યુચર્સ એન્ડ ઓપ્શન્સ (F&O) શેરો માટે ક્લોઝિંગ ઓક્શન સેશન શરૂ કરવામાં આવી રહ્યું છે. આ સાથે જ ઇક્વિટી ડેરીવેટિવ્ઝમાં ટ્રેડિંગનો સમય પણ ૧૦ મિનિટ વધારી દેવામાં આવ્યો છે. આ ફેરફારનો મુખ્ય હેતુ શેરોના અંતિમ ભાવ એટલે કે ક્લોઝિંગ પ્રાઇસને વધુ પારદર્શક અને સચોટ બનાવવાનો છે.

નવા નિયમો લાગુ થયા બાદ શેરબજારના તમામ સેગમેન્ટ એક જ સમયે બંધ નહીં થાય. સામાન્ય ટ્રેડિંગ પહેલાંની જેમ જ સાંજે ૩:૩૦ વાગ્યા સુધી ચાલુ રહેશે. સામાન્ય ટ્રેડિંગ બપોરે ૩:૧૫ વાગ્યા સુધી જ થશે. ત્યારબાદ ૩:૧૫ થી ૩:૩૫ વાગ્યા સુધી ક્લોઝિંગ ઓક્શન સેશન ચાલશે. ડેરીવેટિવ્ઝ ટ્રેડિંગ હવે સાંજે ૩:૪૦ વાગ્યા સુધી ચાલુ રહેશે. સાંજે ૩:૫૦ વાગ્યાથી ૪:૦૦ વાગ્યા સુધી યોજાશે.

અત્યાર સુધી F&O શેરોનું ટ્રેડિંગ સીધું ૩:૩૦ વાગ્યા સુધી ચાલતું હતું અને ક્લોઝિંગ પ્રાઇસ ટ્રેડિંગના આખરી ૩૦ મિનિટના વોલ્યુમ વ્હીટેડ એવરેજ પ્રાઇસ (VWAP) ના આધારે નક્કી થતી હતી. પરંતુ હવે F&O શેરોનું સામાન્ય ટ્રેડિંગ ૩:૧૫ વાગ્યે બંધ થઈ જશે. ત્યારબાદ ખરીદ-વેચાણના તમામ ઓર્ડર એકસાથે એકત્રિત કરવામાં આવશે અને એક ચોક્કસ સંતુલિત કિંમતે તેમનું મેચિંગ થશે, જે તે શેરનો અધિકૃત ક્લોઝિંગ પ્રાઇસ બનશે.

જોઇએ તો ૩:૧૫ થી ૩:૨૦ વાગ્યા સુધી  રેફરન્સ પ્રાઇસ (Reference Price) નક્કી થશે. જયારે ૩:૨૦ થી ૩:૨૫ વાગ્યા સુધી ઇન્વેસ્ટર્સ માર્કેટ અને લિમિટ ઓર્ડર (Limit Order) મૂકી શકશે. ૩:૨૫ થી ૩:૩૦ વાગ્યા સુધી માત્ર લિમિટ ઓર્ડર સ્વીકારાશે (ઓર્ડર કેન્સલ કે ચેન્જ નહીં કરી શકાય). ૩:૨૮ થી ૩:૩૦ વચ્ચે ગમે ત્યારે ઓર્ડર એન્ટ્રી બંધ થઈ જશે. ૩:૩૦ થી ૩:૩૫ વાગ્યા સુધી ઓર્ડર મેચિંગ થશે અને આખરી ક્લોઝિંગ પ્રાઇસ નક્કી કરાશે.

NSE દ્વારા ડેરીવેટિવ્ઝ ટ્રેડિંગનો સમય લંબાવીને સાંજે ૩:૪૦ વાગ્યા સુધી કરવામાં આવ્યો છે. આનાથી ટ્રેડર્સને પોતાની ઓપન પોઝિશનની હેજિંગ કરવા, કેશ માર્કેટ ઓક્શન પછી ટ્રેડમાં ફેરફાર કરવા, ઇન્ટ્રાડે પોઝિશન ક્લોઝ કરવા અને એક્સપાયરીના દિવસે બજારની અસ્થિરતાને વધુ સારી રીતે હેન્ડલ કરવા માટે ૧૦ મિનિટનો વધારાનો સમય મળશે. આ ઉપરાંત, VWAP ની ગણતરીનો સમય પણ હવે બદલાઈને સાંજે ૩:૧૦ થી ૩:૪૦ વાગ્યા સુધીનો રહેશે.