નવી દિલ્હી તા.૨૫: દિલ્હીના પૂર્વ મુખ્યમંત્રી અરવિંદ કેજરીવાલના કથિત નવા બંગલાને લઈને રાજકીય વિવાદ વકર્યો છે. ભાજપ નેતા પ્રવેશ વર્માએ કેજરીવાલના નવા નિવાસસ્થાન પર પ્રહાર કરતા તેને 'શીશ મહેલ 2' ગણાવ્યો છે.

પ્રવેશ વર્માએ આક્ષેપ કર્યો કે કેજરીવાલે કરોડોના ખર્ચે નવો આલીશાન બંગલો તૈયાર કરાવ્યો છે. તેમણે સોશિયલ મીડિયા પર બંગલાની કેટલીક તસવીરો શેર કરીને 'આપ' પર નિશાન સાધ્યું હતું.

બીજી તરફ, દિલ્હી સરકારના મંત્રી આતિશીએ ભાજપના આક્ષેપોને ફગાવી દીધા છે. આતિશીએ કહ્યું કે, "ભાજપ દ્વારા શેર કરવામાં આવેલી બધી તસવીરો ફેક છે. ભાજપ જૂઠાણા ફેલાવીને લોકોને ગેરમાર્ગે દોરી રહ્યું છે."

આમ આદમી પાર્ટીએ સ્પષ્ટતા કરી કે કેજરીવાલ કોઈ સરકારી બંગલામાં નથી રહેતા અને ભાજપ બિનજરૂરી વિવાદ ઉભો કરી રહ્યું છે. આ મુદ્દે દિલ્હીના રાજકારણમાં ભાજપ અને 'આપ' વચ્ચે શાબ્દિક યુદ્ધ તેજ બન્યું છે.