પ.બંગાળમાં ભાજપ ‘કિંગ': મમતાને ‘વનવાસ': તામિલનાડુમાં વિજયની ‘સુનામી': આસામમાં ફરી ભગવોઃ કેરળ ડાબેરીમુક્ત
આસામમાં ફરી ભાજપઃ નોંધાવી હેટ્રીકઃ હિંમત બિસ્વાનો ચાલ્યો જાદુ : તામિલનાડુમાં ૨ વર્ષ પહેલા બનેલા વિજય થેલાપતિના TVKએ ૭૭ વર્ષ જૂના DMKને ઘરભેગુ કર્યુ : પ.બંગાળમાં હો ગયા ‘‘ખેલા'': મોદીની પ્રચંડ લહેરઃ ૧૫ વર્ષ બાદ મમતાનો કિલ્લો ધ્વસ્તઃ મમતાની અજેય છબિનો કરૂણ અંતઃ મતદારોએ ભાજપ ઉપર ‘‘મમતા'' વરસાવીઃ ભાજપે ઈતિહાસ રચ્યોઃ કેસરિયા રંગે રંગાયું બંગાળઃ સમગ્ર દેશમાં જશ્નઃ પહેલીવાર ભાજપની સરકાર પોંડીચેરીમાં ભાજપ ગઠબંધનની વિજયકુચ : કેરળમાં ડાબેરી શાસનનો UDFનો જયજયકાર
પશ્ચિમ બંગાળ, કેરળ, તમિલનાડુ, આસામ અને કેન્દ્રશાસિત પ્રદેશ પુડુચેરીમાં વિધાનસભા ચૂંટણી પછી મતગણતરી ચાલી રહી છે. દરેક વ્યક્તિ આ રાજ્યોમાં અંતિમ પરિણામોની રાહ જોઈ રહ્યા છે. જોકે, અત્યાર સુધીના ટ્રેન્ડ સ્પષ્ટપણે તમામ મુખ્ય રાજ્યોમાં નવી સરકારની રચનાનો સંકેત આપી રહ્યા છે. પશ્ચિમ બંગાળમાં, ૧૫ વર્ષ પછી મમતા બેનર્જીના હાથમાંથી સત્તા સરકી રહી હોય તેવું લાગે છે. અહીં, ટ્રેન્ડમાં ભાજપે બહુમતીનો આંકડો વટાવી દીધો છે. તમિલનાડુમાં, અભિનેતા વિજયની પાર્ટી, ટીવીકે, વલણોમાં શાસક ડીએમકે ગઠબંધનને પાછળ છોડીને ગેમ-ચેન્જર તરીકે ઉભરી આવી છે. આસામમાં ટ્રેન્ડ સૂચવે છે કે ભાજપ ગઠબંધન સતત ત્રીજી વખત સરકાર બનાવવા માટે તૈયાર છે. પુડુચેરીમાં પણ એનડીએ ગઠબંધન આગળ દેખાઈ રહ્યું છે. કેરળમાં, કોંગ્રેસના નેતૃત્વ હેઠળનું યુડીએફ આગળ દેખાઈ રહ્યું છે. અહિં હાબેરી પક્ષોનો હાર થયો છે. પ.બંગાળમાં કમળ ખિલતા ભાજપમાં જશ્નનો માહોલ છવાયો છે. પ.બંગાળમાં ભગવા-મોદી લહેર જોવા મળી છે તો આસામમાં પણ ભાજપે હેટ્રીક સર્જી છે. તામિલનાડુમાં ૨ વર્ષ પહેલા ઉભા થયેલા વિજયના ટીવીકેએ સપાટો બોલાવી દીધો છે. અને તેણે ડીએમકેના કિલ્લાને દવસ્ત કરી દીધું છે.
આ લખાય છે ત્યારે પ.બંગાળમાં કુલ ૨૯૩ બેટકોના ટ્રેન્ડ મળ્યા છે. જેમાં ભાજપ ૧૯૫ બેઠક પર તો તૃણમુલ ૯૩ બેઠક આગળ છે. તૃણમુલને ૧ર૧ બેઠકોનું નુકશાન થયું છે.
જયારે આસામની કુલ ૧ર૬ બેઠકોમાંથી ભાજપ ૯૭, કોંગ્રેસ ર૭, અન્યો ર પર આગળ છે. જયારે કેરલમાં ૧૪૦ બેઠક પરના મળતા ટ્રેન્ડ મુજબ ર વાગ્યે એલડીઇ ૩૭, યુડીઇ ૧૦૦, એનડીએ ૩, અન્યો ૦ પર આગળ છે.
તામિલનાડુની કુલ ર૩૪ બેઠકોના ટ્રેન્ડ મળ્યા છે. તેમ ડીએમકે પ૯, અન્નાડીએમકે ૬૬, ટીયુકે ૧૦૯ બેઠક પર આગળ છે. જયારે પોંડીચેરીમાં કુલ બેઠક ૩૦ બેઠકોના મળેલા ટ્રેન્ડ અનુસાર એનડીએ ૧પ, કોંગ્રેસ ૧૧, અન્ય ૪ બેઠક પર આગળ છે.
૨૦૨૬ પશ્ચિમ બંગાળ વિધાનસભા ચૂંટણીના પરિણામોની ગણતરી ચાલી રહી છે. હાલના વલણો અનુસાર, ભાજપ રાજ્યમાં સરકાર બનાવવા માટે તૈયાર દેખાય છે. બંગાળમાં ૨૯૩ બેઠકો માટે મત ગણતરી ચાલી રહી છે. કુલ ૨૯૪ વિધાનસભા બેઠકો છે, પરંતુ મતદાન ફક્ત ૨૯૩ બેઠકો પર થયું છે. ભાજપે લાંબા સમયથી બંગાળ પર નજર રાખી છે. હવે, તે આ પૂર્વીય રાજ્યમાં મોટી રાજકીય ઉથલપાથલ સર્જવા માટે તૈયાર દેખાય છે. ભાજપે ૧૪૭ બેઠકોનો બહુમતીનો આંકડો પાર કરી લીધો છે અને હવે ૧૯૪ થી વધુ બેઠકો પર લીડ ધરાવે છે. આ મમતા બેનર્જીના નેતૃત્વ હેઠળના તૃણમૂલ કોંગ્રેસ કરતા નોંધપાત્ર રીતે આગળ છે, જે શરૂઆતના વલણોમાં ૯૩ બેઠકોની આસપાસ ફરે છે.
સૌથી અગત્યનું, પ્રેસિડેન્સી ક્ષેત્ર પર ટીએમસીની પકડ નબળી પડી રહી હોય તેવું લાગે છે. જો આ લીડ ચાલુ રહે છે, તો તે ભાજપ માટે ઐતિહાસિક વિજય અને છેલ્લા ૧૫ વર્ષથી બંગાળમાં સત્તા સંભાળતી ટીએમસી માટે મોટો ઝટકો હશે. રાજ્યમાં ૨૩ અને ૨૯ એપ્રિલના રોજ બે તબક્કામાં મતદાન થયું હતું. બંગાળમાં આ ચૂંટણીમાં રેકોર્ડ મતદાન જોવા મળ્યું હતું, જેનાથી રાજકીય પક્ષોના રાજકીય ધબકારા વધ્યા હતા. બંને તબક્કામાં મતદાન ૯૦ ટકાથી વધુ થયું હતું, જે બંગાળના ચૂંટણી ઇતિહાસમાં મહત્વપૂર્ણ માનવામાં આવે છે.
આસામ વિધાનસભા ચૂંટણી માટે મતગણતરી ચાલી રહી છે. અત્યાર સુધીના વલણો અનુસાર, હિમંતા રાજ્યમાં વાપસી કરવા માટે તૈયાર છે. ૯ એપ્રિલના રોજ રાજ્યના મતદારોએ ૧૨૬ મતવિસ્તારોમાં ૭૨૨ ઉમેદવારોનું ભાવિ નક્કી કર્યું, જેમાં ૨૫ મિલિયનથી વધુ મતદારોમાંથી ૮૫.૯૬% મતદારોએ મતદાન કર્યું. આસામના તમામ ૩૫ જિલ્લાઓમાં ફેલાયેલા ૪૦ મતગણતરી કેન્દ્રો પર કડક સુરક્ષા વચ્ચે સવારે ૮ વાગ્યે ચ્સ્પ્ ખોલવામાં આવ્યા. ભાજપ ૯૭, કોંગ્રેસ ૨૭ પર આગળ છે.
ભાજપે AGP અને UPPL સાથે જોડાણ કરીને ચૂંટણી લડી હતી, જ્યારે કોંગ્રેસે ખ્ત્શ્ઝજ્ સહિત અનેક પક્ષો સાથે જોડાણ કર્યું હતું. ચૂંટણી પ્રચાર દરમિયાન, બાંગ્લાદેશી ઘૂસણખોરી, રાષ્ટ્રીય નાગરિક રજિસ્ટર (NRC), નાગરિકતા સુધારો કાયદો (CAA), પૂર, બેરોજગારી, ચાના બગીચાના કામદારોના મુદ્દાઓ અને વિકાસ મુખ્ય મુદ્દાઓ હતા. વડા પ્રધાન નરેન્દ્ર મોદી, અમિત શાહ, રાહુલ ગાંધી અને પ્રિયંકા ગાંધી સહિત ઘણા અગ્રણી નેતાઓએ રાજ્યભરમાં રેલીઓનો ધમધમાટ કર્યો હતો.
તમિલનાડુ અને પુડુચેરી વિધાનસભા ચૂંટણી માટે મતગણતરી ચાલી રહી છે. પ્રારંભિક વલણો દર્શાવે છે કે થલાપતિની પાર્ટી ૧૧૦ બેઠકો પર આગળ છે, જ્યારે મુખ્યમંત્રી સ્ટાલિન કોલાથુરમાં પાછળ છે. તમિલનાડુની ૨૩૪ બેઠકો માટે મતદાન ૨૩ એપ્રિલે એક જ તબક્કામાં થયું હતું, જ્યારે પુડુચેરીની ૩૦ બેઠકો માટે મતદાન ૯ એપ્રિલે એક જ તબક્કામાં થયું હતું.
તમિલનાડુ અને પુડુચેરી વિધાનસભા ચૂંટણી માટે મતગણતરી શરૂ થઈ ગઈ છે. શરૂઆતના વલણો દર્શાવે છે કે ટીવીકે ૧૧૦ મતોથી આગળ છે, જ્યારે મુખ્ય પ્રધાન સ્ટાલિન કોલાથુર બેઠક પર પાછળ છે. તમિલનાડુની ૨૩૪ વિધાનસભા બેઠકો માટે મતદાન ૨૩ એપ્રિલે એક જ તબક્કામાં યોજાયું હતું, જેમાં ૮૫ ટકાથી વધુ મતદાન થયું હતું. રાજ્યમાં ૮૫ ટકાથી વધુ મતદાનનો રેકોર્ડ નોંધાયો હતો.
તમિલનાડુમાં, સ્પર્ધા ડીએમકેના નેતૃત્વ હેઠળના ઓલ ઈન્ડિયા એલાયન્સ અને એઆઈએડીએમકે-ભાજપ એનડીએ વચ્ચે છે. જોકે, એક્સિસ માય ઈન્ડિયા એક્ઝિટ પોલમાં થલાપતિ વિજયના નેતૃત્વ હેઠળના નવા રચાયેલા ટીવીકે માટે નોંધપાત્ર લીડની આગાહી કરવામાં આવી છે, જેના કારણે સ્પર્ધા ત્રિકોણીય લાગે છે.
કેન્દ્રશાસિત પ્રદેશ પુડુચેરીમાં ૩૦ બેઠકો માટે મતદાન ૯ એપ્રિલે યોજાયું હતું. પુડુચેરીમાં ૮૯.૯૭ ટકા મતદાન થયું હતું. હાલમાં, મુખ્યમંત્રી એન. રંગાસ્વામીના નેતૃત્વ હેઠળના એનડીએ ગઠબંધન સત્તામાં છે. આજના પરિણામો નક્કી કરશે કે NDA સત્તા જાળવી રાખે છે કે નવું ગઠબંધન ઉભરી આવે છે.
કેરળ વિધાનસભા ચૂંટણી માટે આજે સવારે ૮ વાગ્યે મતગણતરી શરૂ થઈ. શરૂઆતના વલણો દર્શાવે છે કે UDF ગઠબંધન ૧૦૦ બેઠકો પર આગળ છે, જ્યારે શાસક LDF માત્ર ૩૭ બેઠકો પર આગળ છે, જ્યારે BJP ૩ બેઠકો પર આગળ છે.
કેરળમાં કુલ ૮૮૩ ઉમેદવારો આ રાજકીય લડાઈમાં છે. પી. વિજયનના નેતૃત્વ હેઠળની વર્તમાન LDF સરકાર સતત ત્રીજા કાર્યકાળ માટે સત્તામાં પાછા ફરવાનો ઐતિહાસિક પ્રયાસ કરી રહી છે. દરમિયાન, UDF ખોવાયેલો રાજકીય આધાર પાછો મેળવવાનો પ્રયાસ કરી રહ્યું છે, અને NDA રાજ્યમાં પોતાનું ખાતું ખોલવાની આશા રાખી રહ્યું છે. ૯ એપ્રિલે રાજ્યની ૧૪૦ વિધાનસભા બેઠકો પર ૭૮.૨૭ ટકા મતદાન થયા બાદ, આજે સ્પષ્ટ થઈ જશે કે કેરળના લોકોએ કોને મત આપ્યો છે.(૪૦.૪૧)
પ. બંગાળ
કુલ બેઠક ૨૯૩
ટ્રેન્ડ ૨૯૩
બહુમતિ ૧૪૮
તૃણમુલ ૯૩
ભાજપ ૧૯૪
અન્ય ૬
પોંડીચેરી
કુલ બેઠક ૩૦
ટ્રેન્ડ ૩૦
બહુમતિ ૧૬
ભાજપ ૧૬
કોંગ્રેસ ૧૦
અન્ય ૪
આસામ
કુલ બેઠક ૧૨૬
ટ્રેન્ડ ૧૨૬
બહુમતિ ૬૪
ભાજપ ૯૭
કોંગ્રેસ ૨૭
અન્ય ૨
કેરળ
કુલ બેઠક ૧૪૦
ટ્રેન્ડ ૧૪૦
બહુમતિ ૭૧
LDF 37
UDF 100
ભાજપ ૩
અન્ય ૨
તામિલનાડુ
કુલ બેઠક ૨૩૪
ટ્રેન્ડ ૨૩૪
બહુમતિ ૧૧૮
ડીએમકે ૫૯
અન્ના ડીએમકે ૬પ
ટીવીકે ૧૧૦
અન્ય ૦
(3:16 PM IST)
છેલ્લા 8 દિવસમાં સૌથી લોકપ્રિય 
