શેરબજારમાં ‘‘બાઉન્સ બેક'': તેજીનું વાવાઝોડુ
ઈન્ટ્રા-ડે સેન્સેક્સ ૧૦૦૦ પોઈન્ટ ઉછળ્યો
મુંબઈ,તા.૨૪: આજે, સેન્સેક્સ ઈન્ટ્રા-ડે ૧,૦૦૦ પોઈન્ટ વધીને ૭૭,૧૫૦ પર ટ્રેડ થઈ રહ્યો છે. નિફટી પણ લગભગ ૨૫૦ પોઈન્ટ વધીને ૨૪,૧૦૦ પર પહોંચી ગયો છે. ૨:૧૫ કલાકે સેન્સેક્સ ૯૧૬ તો નીફટી ૨૫૩ પોઈન્ટ અપ છે. રોકાણકારોને ૩ લાખ કરોડનો ફાયદો થયો છે.
IT, બેંકિગ અને રિયલ્ટી શેરોમાં સૌથી વધુ ખરીદી જોવા મળી રહી છે. ટ્રેન્ટ, ઈન્ડિગો, ટેક મહિન્દ્રા, બજાજ ફાઇનાન્સ અને ICICI બેંકના શેર ૫% સુધી વધ્યા છે.
સસ્તું તેલઃ બ્રેન્ટ ક્રૂડ તેલના ભાવ ૧% ઘટીને $૭૬.૨૯ પ્રતિ બેરલ થયા. ઈરાન યુદ્ધ બાદ હોર્મુઝ સ્ટ્રેટમાં ફસાયેલા ઓઇલ ટેન્કરો મુક્ત થવાના સમાચારથી બજારમાં થોડી રાહત થઈ છે, જેના કારણે ભાવમાં ઘટાડો થયો છે.
વિદેશી રોકાણકારોનું વળતરઃ વિદેશી સંસ્થાકીય રોકાણકારો, જેઓ કેટલાક સમયથી શેર વેચી રહ્યા હતા, તેમણે મંગળવારે રૂ.૧૭૮.૬ મિલિયનના શેર ખરીદ્યા. આ ખરીદીથી બજારની ભાવનામાં સુધારો થયો છે.
ભારત-અમેરિકા વેપાર સોદાની આશાઃ એક વરિષ્ઠ યુએસ અધિકારીના મતે, ભારત અને યુએસ એક મોટા દ્વિપક્ષીય વેપાર કરારની ખૂબ નજીક છે. આ સમાચારથી રોકાણકારોનો વિશ્વાસ વધ્યો છે.
એશિયન બજારોમાં મજબૂતીઃ સ્થાનિક બજારમાં વૈશ્વિક બજારો તરફથી સકારાત્મક સંકેતો મળ્યા. મુખ્ય એશિયન બજારોમાં, દક્ષિણ કોરિયાના કોસ્પી અને હોંગકોંગના હેંગ સેંગમાં વધારો થયો હતો.
આઈટી શેરોમાં ખરીદીઃ આઈટી ક્ષેત્રના શેરોમાં મજબૂત ખરીદી જોવા મળી. ટેક મહિન્દ્રા (૨.૬%), ઇન્ફોસિસ (૧.૩%) અને ટીસીએસ (૦.૬%) માં વધારો થવાથી નિફટીને ટેકો મળ્યો.
ખાનગી બેંક શેરોમાં વધારોઃ આઈસીઆઈસીઆઈ બેંક અને એચડીએફસી બેંક જેવા બજારના હેવીવેઇટ શેરોમાં ભારે ખરીદી જોવા મળી, જેના કારણે બેંક નિફટીમાં ૧.૫% થી વધુનો વધારો થયો.
(3:42 PM IST)
છેલ્લા 8 દિવસમાં સૌથી લોકપ્રિય 
