ન્યુૂયોર્ક: વિશ્વ બેંકના પ્રમુખ અજય બંગાએ યુવાનો માટે પૂરતા પ્રમાણમાં રોજગારી સર્જવાની તાતી જરૂરિયાત દર્શાવી છે. હાલના પ્રવાહો ચાલુ રહે તો કામ શોધનારા યુવાનો અને ઉપલબ્ધ રોજગારી વચ્ચે મોટું અંતર ઊભું થવાની ચેતવણી તેમણે આપી છે.

વિશ્વ બેંકની વાર્ષિક બેઠકમાં ૧૬ ઑક્ટોબરે આપેલા સંબોધનમાં અજય બંગાએ જણાવ્યું હતું કે આગામી ૧૦થી ૧૫ વર્ષ દરમિયાન આશરે ૧૨૦ કરોડ યુવાનો રોજગાર બજારમાં પ્રવેશશે, જ્યારે ઉપલબ્ધ થનારી રોજગારીનો અંદાજ લગભગ ૪૦ કરોડનો છે. આ અંદાજો વચ્ચે આશરે ૮૦ કરોડનું અંતર રહે છે.

બંગાએ મોટા પ્રમાણમાં રોજગારી સર્જવા માટે ભૌતિક માળખાની સાથે શિક્ષણ, આરોગ્ય અને કૌશલ્યમાં રોકાણ વધારવા ભાર મૂક્યો હતો. ઉદ્યોગોને વીજળી, પાણી, પરિવહન અને ડિજિટલ સંપર્કસુવિધા ઉપરાંત સ્પષ્ટ નિયમો અને નીતિઓની નિશ્ચિતતા જરૂરી હોવાનું તેમણે જણાવ્યું હતું.

તેમણે જાહેર નાણાં, ખાનગી રોકાણ, દાનસંસ્થાઓ અને ટેક્નોલોજીને દેશોની જરૂરિયાત મુજબ જોડવાની હિમાયત કરી હતી. આ આંકડો ભવિષ્યમાં રોજગારીની સંભવિત અછતનો અંદાજ છે; હાલમાં ૮૦ કરોડ લોકો બેરોજગાર હોવાનો આંકડો નથી.