ધુરંધરમાં પોતાને પથારીવશ દર્શાવાતાં દાઉદ છંછેડાયોઃ ફરી ધાક જમાવવા પ્રયાસ
બાંદ્રા ડિમોલીશનના નામે ભરમાવી ગેંગમાં નવી ભરતી : કોઈ મોટી હસ્તી કે જાણીતાં સ્થળ પર હુમલો કરાવી પોતે હજુ પણ સ્વસ્થ અને સક્ષમ હોવાનું પુરવાર કરવાનો પ્લાન
મુંબઈ,તા.૨: ‘‘ધુરંધર' ફિલ્મમાં દાઉદ ઈબ્રાહિમને પથારીવશ તથા મરણાસન્ન દેખાડાયો છે. તેનાથી નારાજ દાઉદ ઈબ્રાહિમે મુંબઈમાં ફરી પોતાની ધાક જમાવવા માટે ગ્રાઉન્ડ નેટવર્ક એક્ટિવ કરવા માંડયું હોવાનું કહેવાય છે.
રણવીરની ફિલ્મમાં બડે સાહબ નામનું એક પાત્ર છે, જે મૃત્યુશય્યા પર હોવાનું દર્શાવ્યું છે. આ પાત્ર દાઉદ સાથે ખૂબ જ સામ્યતા ધરાવે છે.
આ ફિલ્મ બાદ દાઉદ ખરેખર પથારીવશ છે કે કેમ તેવી ચર્ચા શરુ થતાં છંછેડાયો દાવો કરાઈ છે. દાઉદે પોતે હજુ પણ સ્વસ્થ, સક્ષમ અને સક્રિય છે તેવું પુરવાર કરવા મુંબઈના અંડરવર્લ્ડ પર ફરી પ્રભુત્વ જમાવવા પ્રયાસો શરુ કર્યાનું કહેવાય છે.
દાઉદને ગેંગ મુંબઈમાં નવેસરથી ભરતી કરી રહી છે. સૂત્રોએ જણાવ્યું હતું કે આ માટે ભરતીની પ્રક્રિયા શકીલ ગેંગને સોંપવામાં આવી છે. જ્યારે પાકિસ્તાન સ્થિત આઈએસઆઈને આ ભરતી હેઠળ આવતા નવા સભ્યોને તાલીમ આપવાનું અને શષો પુરા પાડવાનું કામ સોંપવામાં આવ્યું છે. આ સિવાય શૂટર મુન્ના ઝિગાડાને આતંકવાદી કાવતરાંને અંજામ આપવાનું કામ સોંપવામાં આવ્યું છે સૂત્રો અનુસાર ભરતી કરનારાઓને ઓપરેશન, પાછળનું સાચુ કારણ જણાવવામાં આવ્યું નથી.
મુંબઇની શેરીઓમાંથી કાળજી પૂર્વક પસંદ કરાયેલા સભ્યોને બાંદ્રાના ગરીબનગરમાં એક ગેરકાયદે મસ્જિદ સામેની બુલડોઝર ઉશ્કેરવામાં આવ્યા હતા. દિલ્હી પોલીસે તાજેતરમાં એક આતંકવાદી કાવતરું નિષ્ફળ બનાવ્યું હતું અને આઈએસઆઈ અને મુંબઈના અંડરવર્લ્ડના જોડાણનો પર્દાફાશ કર્યો હતો. તેમાં એવો પર્દાફાશ થયો હતો કે ગરીબનગરનાં દબાણો તોડવા ટ્ટ માટે મુંબઈમાં આતંકી હુમલાનું કાવતરું ઘડાયું છે.
એજન્સીઓને એવી પણ શંકા છે કે ડી-કંપનીની અંડરવર્લ્ડ પર ઢીલી પડતી પકડ અને ખંડણીની પ્રવૃત્તિઓમાં સતત થઈ રહેલઘટાડા વચ્ચે ગેંગનો ટકી રહેવાનો આ મરણીયો પ્રયાસ છે. સૂત્રોએ જણાવ્યું હતું કે દાઉદ ગેંગ પોતાની છબી નવેસરથી પુનર્જીવીત કરવા અને અંડરવર્લ્ડમાં ધાક જમાવવા આઈએસઆઈની મદદથી ભારતમાં કોઈ મોટી હસ્તી અથવા મહત્વના સ્થળે મોટો હુમલો કરવાની યોજના બનાવી રહી છે.
(2:00 PM IST)
છેલ્લા 8 દિવસમાં સૌથી લોકપ્રિય 
