પત્નીની વધુ આવક વધારી દયે છેઃ છૂટાછેડાનો ખતરો
૨૯ દેશોમાં ૧૬ વર્ષના અભ્યાસમાં ચોંકાવનારા તારણો બહાર આવ્યા : પત્નીની આવક તેના પતિ કરતાં વધુ હોવાથી છૂટાછેડાની શક્યતા વધી શકે છે
નવી દિલ્હી,તા.૦૧: વિશ્વભરની મહિલાઓ દરરોજ નવી ઊંચાઈઓ હાંસલ કરી રહી છે, દરેક ભૂમિકામાં પોતાની છાપ છોડી રહી છે, છતાં લિગ અસમાનતા એક મહત્વપૂર્ણ પડકાર છે. દેશ ગમે તે હોય, ઘરનું સંચાલન મહિલાઓ માટે પ્રાથમિક જવાબદારી માનવામાં આવે છે. વધુમાં, જો ષીની આવક તેના પતિ કરતાં વધુ હોય, તો છૂટાછેડાની શક્યતા ૩૬% વધી જાય છે. આ ૨૯ દેશોમાં એક વ્યાપક અભ્યાસનો તારણો છે.
પેન્સિલવેનિયા યુનિવર્સિટીના સંશોધક પિલર ગોનાલોન્સ-પોન્સના નેતૃત્વ હેઠળના સંશોધકોની એક ટીમે ૨૦૦૪ થી ૨૦૨૦ દરમિયાન વિવિધ દેશોના સાંસ્કૃતિક, આર્થિક અને સામાજિક સંદર્ભોનો મોટા પાયે તુલનાત્મક અભ્યાસ હાથ ધર્યો હતો જેથી નક્કી કરી શકાય કે પરંપરાગત લિગ ધોરણો બધા દેશોમાં સમાન રીતે કાર્ય કરે છે કે અન્ય પરિબળો પણ જવાબદાર છે. જર્નલ ઓફ મેરેજ એન્ડ ફેમિલીમાં પ્રકાશિત આ અહેવાલ સૂચવે છે કે પરિવારમાં પુરુષોએ કમાવનાર હોવું જોઈએ તેવી પરંપરાગત ધારણા હજુ સુધી સંપૂર્ણપણે નાબૂદ થઈ નથી.
રૂઢિચુસ્ત સાંસ્કૃતિક માન્યતાઓ ધરાવતા દેશોમાં હોય કે આધુનિક વિચારસરણી ધરાવતા દેશોમાં, યુગલોમાં છૂટાછેડાનો દર લગભગ સમાન છે. આનો અર્થ એ છે કે પુરુષોની કમાવનાર તરીકે ભૂમિકામાં ફેરફાર એ સંબંધો તૂટવાનું એકમાત્ર કારણ નથી.
સંબંધોમાં તણાવનું એક મુખ્ય કારણ સ્ત્રીઓ વધુ કમાણી કરે છે. જો બાળકોનો જન્મ થાય છે, તો કૌટુંબિક જવાબદારીઓ અને કામકાજની વહેંચણી પરના સંઘર્ષો પરિસ્થિતિને વધુ ખરાબ કરે છે.
આર્થિક સ્વતંત્રતા મહિલાઓને પોતાના નિર્ણયો લેવા માટે સશક્ત બનાવે છે. જો કે, નાણાકીય સ્વતંત્રતા સંબંધો તૂટવાનું સીધું કારણ નથી.
(10:04 AM IST)
છેલ્લા 8 દિવસમાં સૌથી લોકપ્રિય 
