મહારાષ્ટ્રના વર્ધા જિલ્લામાં સમૃદ્ધિ એક્સપ્રેસવે પર એક ભયાનક અકસ્માત થયો. જેમાં છ લોકોના મોત થયા છે. પુલગાંવ પોલીસ સ્ટેશન વિસ્તારમાં આવેલા વિરુલ નજીક એક કારે કાબુ ગુમાવ્યો અને ઇથેનોલ ટેન્કર સાથે અથડાઈ. કાર સંપૂર્ણપણે નુકસાન પામી. તેમાં સવાર તમામ છ લોકોના ઘટનાસ્થળે જ મોત થયા. સૂત્રો અનુસાર, કહેવામાં આવી રહ્યું છે કે એક્સપ્રેસવે પર એક કાર ખૂબ જ સ્પીડમાં જઈ રહી હતી. ત્યારે તે ઇથેનોલ ટેન્કર સાથે અથડાઈ. ટક્કર એટલી ગંભીર હતી કે કારનો આગળનો ભાગ સંપૂર્ણપણે ક્ષતિગ્રસ્ત થઈ ગયો.

ઘટના પછી નજીકના લોકોએ તાત્કાલિક પોલીસને જાણ કરી. અકસ્માતની જાણ થતાં સ્થાનિક પોલીસ અને વહીવટીતંત્રની ટીમો ઘટનાસ્થળે દોડી ગઈ હતી અને બચાવ અને રાહત કામગીરી શરૂ કરી હતી. જોકે, ત્યાં સુધીમાં કારમાં સવાર તમામ છ લોકોના મોત થઈ ગયા હતા

અકસ્માતની ગંભીરતાને ધ્યાનમાં રાખીને વર્ધાના પોલીસ અધિક્ષક પણ ઘટનાસ્થળે પહોંચ્યા હતા. અધિકારીઓએ ઘટનાસ્થળે નિરીક્ષણ કર્યું અને અકસ્માત સંબંધિત માહિતી એકત્રિત કરી. પોલીસે ઘટનાસ્થળે પહોંચીને સંડોવાયેલા વાહનોનું નિરીક્ષણ કર્યું. મૃતદેહોનો કબજો લીધો અને પોસ્ટમોર્ટમ માટે મોકલવાની પ્રક્રિયા શરૂ કરી હતી.

પોલીસ અધિકારીઓના જણાવ્યા અનુસાર, અકસ્માતનું ચોક્કસ કારણ હાલમાં શોધી કાઢવામાં આવી રહ્યું છે. પ્રારંભિક તપાસમાં એવું લાગે છે કે ઝડપ અથવા ડ્રાઇવરે કાબૂ ગુમાવવો એ સંભવિત કારણ હોઈ શકે છે. જોકે પોલીસ તમામ પાસાઓ ધ્યાનમાં રાખીને આ મામલાની તપાસ કરી રહી છે.