લોકસભામાં વિપક્ષના નેતા રાહુલ ગાંધી દ્વારા વડાપ્રધાન નરેન્દ્રભાઈ મોદી વિરૂદ્ધ કરવામાં આવેલા કથિત વિવાદાસ્પદ નિવેદનને લઈને રાજકીય ગરમાવો આવી ગયો છે. આ નિવેદનના વિરોધમાં આવતીકાલે દિલ્હીના ઐતિહાસિક ઇન્ડિયા ગેટ ખાતે એક મોટા વિરોધ પ્રદર્શનનું આયોજન કરવામાં આવ્યું છે. મોટી સંખ્યામાં યુવાનો એકઠા થઈને સાંજે 4:00 વાગ્યે આ વિરોધ પ્રદર્શનની શરૂઆત કરશે અને પીએમ વિરૂદ્ધ કરવામાં આવેલી ટિપ્પણી સામે પોતાનો આક્રોશ નોંધાવશે, જેને પગલે દિલ્હી પોલીસ દ્વારા પણ સુરક્ષા વ્યવસ્થા ચુસ્ત કરી દેવામાં આવી છે.