અત્યારે રાત્રે મેંગ્લોરમાં ખૂબ ભારે વરસાદ 

 

 હિમાચલમાં ચંદ્રભાગા નદીનું પાણી જોબરંગ પુલ ઉપરથી વહી રહ્યું છે 

 

 કલકત્તા એરપોર્ટ ઉપર સાંજ સુધીમાં છ ઇંચ વરસાદ નોંધાયો 

 

 જમ્મુ-કાશ્મીરના પૂંછમાં ભૂસ્ખલન અને અચાનક પૂર આવતા સર્જાયેલ દુર્ઘટનામાં ૭ ના મોત 

 

  રાહુલ ગાંધીનો પીએમ મોદી પર પ્રહાર, 'મોદી યુવા વિરોધી પ્રધાનમંત્રી' છે,  ધર્મેન્દ્ર પ્રધાનનું રાજીનામું પણ ન લઈ શકતા હોવાનો દાવો 

 

 યમનના હૂતી બળવાખોરોએ સાઉદી અરેબિયા સામે સમુદ્રી નાકાબંધીની જાહેરાત કરી, લાલ સમુદ્ર અને આસપાસના જળમાર્ગોમાં તણાવ વધ્યો 

 

 હવે બ્રિટનના ડેપ્યુટી પીએમ ડેવિડ લેમીએ પણ રાજીનામું આપ્યું 

 

 અમદાવાદની ભાગોળે પહોંચેલા દીપડાને પકડવા વન વિભાગની તૈયારી: ૧૫ કિ.મી. વિસ્તારમાં થર્મલ કેમેરા અને ડ્રોનથી નજર રાખાશે.

 

 અતિ ભારે વરસાદને લીધે દેહરાદુન - મસૂરી હાઇવે ખૂબ જ ડેમેજ થઈ ગયો છે સત્તાધીશોએ રસ્તો બંધ કરી દીધો, મુસાફરોને આ રૂટ એવોઈડ કરવા અને સત્તાવાર અપડેટ ફોલો કરવા જણાવ્યું છે 

 

 યુક્રેનના ઓડેશા બંદરથી રવાના થયેલ માલવાહક જહાજ "એમવી ગોલ્ડન લીઓ" ઉપર હુમલો થતાં ચાર ભારતીય નાગરિકોના મોત, એક ગંભીર: આ જહાજ ઉપર ૧૭ ક્રુ મેમ્બર સવાર હતા જેમાં પાંચ ભારતીય સામેલ.

યુવાનોએ શિક્ષણના વ્યાજબી સવાલો ઉઠાવ્યા તો જવાબમાં લાકડીઓ મળી કોકરોચ આંદોલન પર રાહુલ ગાંધીનો કેન્દ્ર સરકાર પર આકરો પ્રહાર

કોકરોચ આંદોલન અંગે નિવેદન આપતા કોંગ્રેસ નેતા રાહુલ ગાંધીએ વડાપ્રધાન નરેન્દ્રભાઈ મોદીને ભારતના ઇતિહાસના સૌથી યુવા વિરોધી વડાપ્રધાન ગણાવ્યા છે. તેમણે આક્ષેપ કર્યો કે સરકાર એક નિષ્ફળ શિક્ષણ મંત્રી ધર્મેન્દ્ર પ્રધાનનું રાજીનામું પણ લઈ શકતી નથી. એકસો બાવન જેટલા પેપર લીક થવાથી સાડા સાત કરોડ જેટલા વિદ્યાર્થીઓ પીડિત છે છતાં એક પણ દોષીને સજા મળી નથી. મહેનતુ યુવાનોએ જ્યારે વ્યાજબી સવાલો ઉઠાવ્યા ત્યારે તેમને માત્ર લાકડીઓ જ મળી છે.

 

 

 છેલ્લા બાર કલાકમાં ગુજરાતના એકસો ચોવીસ તાલુકામાં વરસાદી માહોલ જામ્યો દક્ષિણ ગુજરાતમાં મેઘરાજાની તોફાની બેટિંગ વલસાડના પારડીમાં સાડા ચાર ઈંચ ખાબક્યો

વીસમી જુલાઈએ સવારના છ વાગ્યાથી સાંજના છ વાગ્યા સુધીમાં ગુજરાતના એકસો ચોવીસ તાલુકામાં નોંધપાત્ર વરસાદ નોંધાયો છે. સૌથી વધુ અસર દક્ષિણ ગુજરાતના વિસ્તારોમાં જોવા મળી રહી છે. છેલ્લા બાર કલાકમાં વલસાડના પારડીમાં સાડા ચાર ઈંચ તેમજ વલસાડ શહેર અને નવસારીના ખેરગામમાં ચાર ચાર ઈંચ વરસાદ વરસ્યો છે. આ ઉપરાંત જલાલપોર અને ગણદેવીમાં પણ ત્રણ ત્રણ ઈંચ જેટલો વરસાદ ખાબકતા નીચાણવાળા વિસ્તારોમાં પાણી ભરાયા છે.

 

 

 મસૂરી જતા ગુજરાતી પ્રવાસીઓ માટે ચિંતાજનક સમાચાર દેહરાદૂન મસૂરી હાઈવે પર મોટી તિરાડ પડતા આગામી આદેશ સુધી વાહનવ્યવહાર માટે સંપૂર્ણપણે બંધ

ઉત્તરાખંડના પ્રવાસે ગયેલા અને ખાસ કરીને મસૂરી જવાનું આયોજન કરી રહેલા ગુજરાતી પ્રવાસીઓ માટે એક અત્યંત ચિંતાજનક સમાચાર સામે આવ્યા છે. રેડ એલર્ટ વચ્ચે ભારે વરસાદ થવાથી દેહરાદૂન મસૂરી હાઈવે પર મોટી તિરાડ પડી ગઈ છે. સુરક્ષાને ધ્યાનમાં રાખીને સ્થાનિક વહીવટીતંત્રએ આ હાઈવેને આગામી આદેશ સુધી સંપૂર્ણપણે બંધ કરી દીધો છે. સ્થાનિક તંત્ર દ્વારા આ રૂટ પર પ્રવાસ ન કરવા માટે લોકોને અપીલ કરવામાં આવી છે.

 

 

 દિલ્હીમાં છાત્રોના સમર્થન વખતે સાંસદ ડિમ્પલ યાદવની અટકાયતનો સપાનો દાવો અખિલેશ યાદવે સરકારને ઘેરીને આકરા પ્રહાર કર્યા

દિલ્હીમાં વિદ્યાર્થીઓની માંગણીઓના સમર્થનમાં પ્રદર્શન કરી રહેલા સાંસદ ડિમ્પલ યાદવ સહિત અન્ય સાંસદોની દિલ્હી પોલીસે અટકાયત કરી હોવાનો સમાજવાદી પાર્ટીએ ગંભીર દાવો કર્યો છે. આ કાર્યવાહી પર આકરા પ્રહારો કરતા સપા પ્રમુખ અખિલેશ યાદવે જણાવ્યું હતું કે અમારા સાંસદોને પોલીસ સ્ટેશનમાં બળજબરીપૂર્વક રાખવામાં આવ્યા છે અને બહાર નિર્દોષ બાળકોને નિર્દયતાથી પીટવામાં આવી રહ્યા છે જે સરકારની તાનાશાહી દર્શાવે છે.

 

 

 મહિલા અને માસૂમ બાળકી પર હુમલાનો દાવો ખોટો છે દિલ્હી પોલીસે સીજેપીના પ્રદર્શન દરમિયાન ફેલાયેલી અફવાઓને સદંતર ફગાવી દીધી

દિલ્હી પોલીસે સીજેપીના પ્રદર્શન દરમિયાન ગીતાંજલિ નામની એક મહિલા અને બાર વર્ષની એક બાળકી સાથે મારપીટ કરવામાં આવી હોવાના દાવાઓને સંપૂર્ણપણે ફગાવી દીધા છે. સોશિયલ મીડિયા પર વાયરલ થઈ રહેલા આ ગંભીર આરોપોને તદ્દન ખોટા અને ગેરમાર્ગે દોરનારા ગણાવતા પોલીસે લોકોને આવી કોઈ અફવા ન ફેલાવવા અપીલ કરી છે. પોલીસે સ્પષ્ટ કર્યું છે કે ગીતાંજલિ કે અન્ય કોઈ પ્રદર્શનકારીઓ પર હુમલાની વાતો તદ્દન પાયાવિહોણી છે.

 

 

 યુક્રેન પાસે અનાજ વાહક જહાજ પર ભયાનક હુમલો ચાર ભારતીય ક્રૂ સભ્યોના કરુણ મોત અને એક ગંભીર રીતે ઘાયલ

યુક્રેનના ઓડેસા બંદર પરથી અનાજ લઈને નીકળેલા એમવી ગોલ્ડન લિઓ જહાજ પર થયેલા હુમલામાં ચાર ભારતીય ક્રૂ સભ્યોના મોત થયા છે જ્યારે અન્ય એક ભારતીય ગંભીર રીતે ઘાયલ થયો છે. ભારતીય વિદેશ મંત્રાલયે ઓગણીસમી જુલાઈએ થયેલા આ હુમલાની ઘટનાની પુષ્ટિ કરી છે. ભારતે આવા હુમલાઓની સખત નિંદા કરતા સ્પષ્ટતા કરી છે કે આ જહાજ પશ્ચિમ આફ્રિકી દેશ ગિની તરફ જઈ રહ્યું હતું.