ટોરોન્ટો: કેનેડાના ટોરોન્ટોના મિડટાઉન વિસ્તારમાં યોજાયેલા સાલ્સા ઓન સેન્ટ ક્લેર માર્ગોત્સવ દરમિયાન થયેલા ગોળીબારમાં બે લોકોનાં મોત અને ત્રણ વ્યક્તિ ગંભીર રીતે ઘાયલ થઈ છે. હુમલાખોર ફરાર હોવાથી પોલીસે સમગ્ર વિસ્તારને સીલ કરી વ્યાપક શોધખોળ શરૂ કરી છે.

આ ઘટના રવિવારે રાત્રે બની હતી. ગોળીબાર થતાં ઉત્સવમાં હાજર લોકોમાં ભારે નાસભાગ અને ભય ફેલાયો હતો. પોલીસે સક્રિય હુમલાખોરની ચેતવણી જાહેર કરી લોકોને ઘટનાસ્થળથી દૂર રહેવા જણાવ્યું છે. ઘાયલોને સારવાર માટે હોસ્પિટલ ખસેડવામાં આવ્યા છે. હુમલાનું કારણ અને હુમલાખોરની ઓળખ અંગે હજી કોઈ સત્તાવાર માહિતી જાહેર કરવામાં આવી નથી.