તેહરાન: ડિજિટલ મીડિયા અને આંતરરાષ્ટ્રીય સ્તરે વાયરલ થયેલા એક અહેવાલમાં દાવો કરવામાં આવ્યો હતો કે ઈરાન પોતાનું ઉચ્ચ સંવર્ધિત યુરેનિયમ દેશની બહાર મોકલવા તૈયાર છે, પરંતુ શરત એ છે કે તે અમેરિકાને બદલે ચીન મોકલવામાં આવે. જોકે, ઈરાને સત્તાવાર રીતે આ સમાચારને નકારી કાઢ્યા છે.

સાઉદી અરેબિયાની સમાચાર ચેનલ અલ હદથના વરિષ્ઠ સૂત્રોને ટાંકીને કરાયેલા દાવા મુજબ, ઈરાન અમેરિકા સાથેના સંભવિત કરારમાં આગળ વધતા પહેલા બેઇજિંગ પાસેથી ગેરંટી ઈચ્છે છે. આ અહેવાલ એક્સ પ્લેટફોર્મ તેમજ  મીડિયામાં ભારે ચર્ચાનો વિષય બન્યો હતો.