તા. ૨૯ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૯ શનિવાર
News of Wednesday, 18th November 2026
વૈશ્વિક ઊર્જા સંકટ વચ્ચે જાપાનનો ઐતિહાસિક પ્રસ્તાવ: 'એશિયન એનર્જી એજન્સી'ની સ્થાપનાથી ભારતને થશે સીધો અને મોટો ફાયદો
મધ્ય-પૂર્વના યુદ્ધના કારણે આસમાને પહોંચેલા ક્રૂડ ઓઈલના ભાવ વચ્ચે મનીલા શિખર સંમેલનમાં જાપાનના વડાપ્રધાને ૪૮ દેશો સમક્ષ આ મહત્વપૂર્ણ ઊર્જા સુરક્ષા યોજના રજૂ કરી છે.

નવી દિલ્હી : મધ્ય-પૂર્વમાં ચાલી રહેલા ઈરાન યુદ્ધના કારણે સમગ્ર વિશ્વમાં સર્જાયેલા ઘેરા ઊર્જા સંકટ અને ક્રૂડ ઓઈલના આસમાને પહોંચેલા ભાવ વચ્ચે જાપાને એશિયાઈ દેશોને મોટી રાહત અપાવવા માટે 'એશિયન એનર્જી એજન્સી'ની સ્થાપના કરવાનો ઐતિહાસિક પ્રસ્તાવ મૂક્યો છે.
ફિલિપાઈન્સની રાજધાની મનીલા ખાતે ૧૭ નવેમ્બર ૨૦૨૬ના રોજ યોજાયેલા આસિયાન (ASEAN) શિખર સંમેલનમાં જાપાનના વડાપ્રધાન સનાએ તાકાઈચીએ ૪૮ દેશો સમક્ષ આ મહત્વપૂર્ણ રજૂઆત કરી હતી.
સંમેલનમાં આ યોજના અંગે સ્પષ્ટતા કરતા જાપાનના વડાપ્રધાને જણાવ્યું હતું કે તેઓ વર્ષ ૧૯૭૪ના તેલ સંકટ સમયે રચાયેલી 'ઈન્ટરનેશનલ એનર્જી એજન્સી' (IEA) ના તર્જ પર તેનું એશિયન વર્ઝન અને એક ખાસ 'ઓઈલ સિક્યોરિટી ટાસ્ક ફોર્સ' બનાવવા માંગે છે.
આ નવી પહેલનો મુખ્ય ઉદ્દેશ્ય યુદ્ધ કે વૈશ્વિક કટોકટીના સમયે સભ્ય દેશોના રાષ્ટ્રીય તેલ ભંડારમાંથી તેલ જારી કરવા અને જરૂરિયાતમંદ દેશો સાથે પરસ્પર વહેંચણી કરવા માટેના ચોક્કસ નિયમો ઘડવાનો છે, જેનું નેતૃત્વ જાપાન ઈન્ડોનેશિયા સ્થિત આર્થિક સંશોધન સંસ્થા સાથે મળીને કરશે.
ભારત માટે આ પ્રસ્તાવ અત્યંત લાભદાયી સાબિત થઈ શકે છે, કારણ કે ભારત પોતાની કુલ જરૂરિયાતનું આશરે ૯૦ ટકા ક્રૂડ ઓઈલ વિદેશમાંથી આયાત કરે છે અને આ વ્યવસ્થાથી કટોકટીમાં પણ તેલ પુરવઠો અવિરત જળવાઈ રહેશે.
આગામી સમયમાં જો એશિયાઈ દેશો વચ્ચે જાપાનના પ્રસ્તાવ મુજબનું આવું મજબૂત ઊર્જા સુરક્ષા કવચ તૈયાર થશે, તો ભવિષ્યમાં કોઈપણ વૈશ્વિક સંકટ સમયે ભારતમાં પેટ્રોલ-ડીઝલના ભાવ સ્થિર રાખવામાં મોટી મદદ મળશે.
(6:19 PM IST)









છેલ્લા 8 દિવસમાં સૌથી લોકપ્રિય 
