ચેન્નાઈ:તમિલનાડુના રાજકારણમાં એક નવા યુગનો પ્રારંભ થયો છે ત્યારે મુખ્યમંત્રી તરીકે થલાપતિ વિજયના શપથ ગ્રહણ સમારોહમાં માત્ર રાજકીય દિગ્ગજો જ નહીં, પરંતુ ગ્લેમર જગતની હસ્તીઓએ પણ હાજરી આપી હતી. આ સમગ્ર કાર્યક્રમમાં જો કોઈ સૌથી વધુ ચર્ચામાં રહ્યું હોય તો તે છે સાઉથની સુપરસ્ટાર અભિનેત્રી તૃષા કૃષ્ણન. વિજયના ખાસ મહેમાન તરીકે પહોંચેલી તૃષાના ટ્રેડિશનલ લૂકે ઉપસ્થિત તમામ લોકોના ધ્યાન ખેંચ્યા હતા.

સાદગી અને સુંદરતાનો સંગમ

તૃષા કૃષ્ણન આ ઐતિહાસિક ક્ષણની સાક્ષી બનવા માટે અત્યંત સુંદર ટ્રેડિશનલ સાડીમાં સજ્જ થઈને પહોંચી હતી. મિનિમલ જ્વેલરી અને સાદગીભર્યા મેકઅપ સાથેનો તેનો આ અંદાજ સોશિયલ મીડિયા પર મિનિટોમાં વાયરલ થઈ ગયો હતો. ફેન્સ તેના આ લૂકની સરખામણી તેની બ્લોકબસ્ટર ફિલ્મ 'પોન્નીયિન સેલ્વન'ના પાત્ર 'કુન્દવૈ' સાથે કરી રહ્યા છે.

વિજય અને તૃષાની જોડી ફરી ચર્ચામાં

થલાપતિ વિજય અને તૃષાએ 'ગિલ્લી'થી લઈને તાજેતરની 'લિયો' સુધી ઘણી સુપરહિટ ફિલ્મોમાં સાથે કામ કર્યું છે. બંને વચ્ચેની પ્રોફેશનલ બોન્ડિંગ જગજાહેર છે. જ્યારે વિજયે મુખ્યમંત્રી પદના શપથ લીધા ત્યારે તૃષાની હાજરીએ ચાહકોમાં એક અલગ જ ઉત્સાહ ભરી દીધો હતો. કાર્યક્રમ દરમિયાન તૃષાની કેટલીક તસવીરો અને વીડિયો અત્યારે ઇન્ટરનેટ પર ધૂમ મચાવી રહ્યા છે.

સોશિયલ મીડિયા પર પ્રતિક્રિયાઓનો વરસાદ

શપથ ગ્રહણ સમારોહની તસવીરો સામે આવતા જ ટ્વિટર (X) અને ઇન્સ્ટાગ્રામ પર 'Trisha' ટ્રેન્ડ થવા લાગ્યું હતું. ચાહકોએ વિજયને નવી ઇનિંગ માટે અભિનંદન આપવાની સાથે તૃષાની સુંદરતાના પણ ખૂબ વખાણ કર્યા હતા. ઘણા યુઝર્સે લખ્યું કે, "રાણી જ્યારે તેના ખાસ મિત્રના વિજયની સાક્ષી બનવા આવે ત્યારે આવો જ ભવ્ય લૂક હોય."

રાજકીય ગરમાવા વચ્ચે ગ્લેમરનો આ તડકો શપથ ગ્રહણ સમારોહને વધુ યાદગાર બનાવી ગયો હતો.