લ્યો બોલો... હવે ભેંસ માટે પણ ખુલી ગયું બ્યૂટી પાર્લર
શિંગડા ચમકાવવાથી લઈ વાળ કાપવા સુધીના દરેક કામ થશે
નવી દિલ્હી તા.૩૧: દેશમાં માણસો માટે બ્યૂટી પાર્લર અને ગ્રૂમિગ સેન્ટર તો દરેક શહેર અને હવે તો ગામડાઓમાં પણ જોવા મળે છે. પણ શું તમે ક્યારેય ભેંસ માટે બ્યૂટી પાર્લર વિશે સાંભળ્યું છે? કદાચ નહીં. હાલમાં સોશિયલ મીડિયા પર એક આવા જ અનોખા બ્યૂટી પાર્લરે લોકોની વચ્ચે ચર્ચાનો વિષય બનેલો છે. જ્યાં માણસો નહીં પણ ભેંસો અને અન્ય પશુઓની સુંદરતા નિખારવાનું કામ કરવામાં આવે છે. આ અનોખી પહેલ પશુપાલકોનું ધ્યાન પોતાના તરફ ખેંચી રહી છે અને લોકો તેને જોવા માટે દૂર દૂરથી આવી રહ્યા છે.
આ અનોખા બ્યૂટી પાર્લરની શરુઆત સંદીપ જાખૌલી નામના યુવકે કરી છે. તેમનું કહેવું છે કે, જે રીતે લોકો પોતાના પાલતૂ જાનવરોની દેખરેખ પર ધ્યાન આપે છે, તેવી જ રીતે દૂધાળા પશુઓની પણ સારી રીતે દેખરેખ અને સાફ સફાઈ જરુરી છે. આ વિચાર સાથે તેમણે પશુઓ માટે ખાસ ગ્રૂમિગ સેવાઓ શરુ કરી છે. જેની ચર્ચા હવે સોશિયલ મીડિયા પર થવા લાગી છે.
આપે છે કેટલાય પ્રકારની સર્વિસઃ આ બ્યૂટી પાર્લરમાં પશુઓ માટે કેટલાય પ્રકારની સેવાઓ મળશે. તેમાં સૌથી વધારે આકર્ષણનું કેન્દ્ર શીંગડાનું પોલિશ છે. ખાસ ટેકનિક અને સાધનોની મદદથી પશુઓની શીંગડાને સાફ કરી ચમકાવવામાં આવે છે. જેનાથી તેનો લુક પહેલાથી કરતા વધારે આકર્ષક દેખાય છે. આ ઉપરાંત જરુર પડવા પર શીંગડાને આકાર આપવાનું કામ પણ કરવામાં આવે છે. ખાલી શીંગડા જ નહીં પણ પશુઓના વાળ પણ કાપી આપે છે.
કેટલાય પશુપાલકો પોતાની ભેંસો અને બળદના વાળ સિઝન અનુસાર કાપે છે. જેનાથી તેમને ગરમીમાં રાહત મળી શકે અને તેનું શરીર ચોખ્ખું રહે. સારી રીતે કટિગ થતાં પશુઓ વધારે આકર્ષક દેખાવા લાગે છે. ખાસ કરીને તેને જ્યારે કોઈ પશુ મેળા અથવા હરિફાઈમાં લઈ જવામાં હોય.
સુંદર બનાવવા આવે છે લોકોઃ આ બ્યૂટી પાર્લરમાં પશુઓના અંગની સાફ સફાઈ, દેખરેખ પણ કરવામાં આવે છે. એક્સપર્ટ લોકો નખની સફાઈ કરે છે. જરુર પડે તો તેને ટ્રિમ પણ કરવામાં આવે છે. તેનાથી પશુઓને ચાલવામાં આસાની થઈ જાય છે અને કેટલાય પ્રકારના સંક્રમણનો ખતરો પણ ઓછો થઈ જાય છે.
પશુપાલકોનું માનવું છે કે નિયમિત દેખરેખથી પશુઓ વધારે સ્વસ્થ રહે છે. અહીં એક અનોખી સેવા પણ આપવામાં આવે છે. જેના પર લોકોનું સૌથી વધારે ધ્યાન જાય છે. જો કોઈ પશુઓનું શીંગડું તૂટી ગયું અથવા આકાર ખરાબ થઈ ગયો છે કે તેના માટે નકલી શીંગ તૈયાર કરવામાં આવે છે. આ કૃત્રિમ શીંગને એ રીતે બનાવવામાં આવે છે કે જોવામાં ખૂબ જ પ્રાકૃતિક લાગે છે. જો કે તેનો ઉપયોગ મુખ્યત્ત્વે પશુઓની સુંદરતા વધારવાના ઉદ્દેશ્યથી કરવામાં આવે છે
(9:50 AM IST)
છેલ્લા 8 દિવસમાં સૌથી લોકપ્રિય 
