ભારતમાં લોકસભા અને વિધાનસભા બેઠકો માટેની સીમાંકન પ્રક્રિયા ૨૦૨૬ પછીની પહેલી વસ્તી ગણતરી સુધી સ્થગિત રહેશે. બંધારણીય પ્રક્રિયા શરૂ થતાં સામાન્ય બહુમતીથી કાયદો પસાર કરાશે.

દેશમાં ચૂંટણી ક્ષેત્રોના સીમાંકન અંગે મહત્વની માહિતી સામે આવી છે. 

બંધારણના ૮૪મા સુધારા અનુસાર, સીમાંકનની પ્રક્રિયા વર્ષ ૨૦૨૬ સુધી સ્થગિત કરવામાં આવી છે. તેનો અર્થ એ છે કે વર્તમાન માળખું ત્યાં સુધી યથાવત રહેશે અને ૨૦૨૬ પછી યોજાનારી પ્રથમ વસ્તી ગણતરીના આંકડા આવ્યા બાદ જ સીમાંકનની પ્રક્રિયા આગળ વધારવામાં આવશે. 

એકવાર બંધારણીય પ્રક્રિયા શરૂ થયા પછી, વસ્તીના આધારે સીમાંકન કરવામાં આવશે, જેના માટે સંસદમાં સામાન્ય બહુમતીથી કાયદો પસાર કરવો પડશે. આગામી દિવસોમાં આ અંગે સરકાર દ્વારા વધુ અને સત્તાવાર જાહેરાતો કરવામાં આવે તેવી પ્રબળ સંભાવના છે.