નેપાળના મનાંગ જિલ્લામાં મોટી હિમસ્ખલનની દુર્ઘટના સર્જાઈ છે. નાર ફૂ વિસ્તારમાં 7,126 મીટરની ઊંચાઈએ આવેલા પર્વતના બેઝ કેમ્પ પર હિમસ્ખલન થતાં ટેન્ટ બરફમાં દટાઈ ગયો હતો. ઘટનાસમયે ટેન્ટમાં 9 પર્વતારોહકો અને 13 સહાયક કર્મચારીઓ સહિત કુલ 22 લોકો હાજર હોવાનું સામે આવ્યું છે. હિમસ્ખલનની આ ઘટનામાં પર્વતારોહકો સહિત 12 લોકો લાપતા થયા હોવાની માહિતી છે. ઘટના બાદ લાપતા લોકોને શોધવા માટે બચાવ કામગીરી હાથ ધરવામાં આવી છે.