વિદ્યાર્થીઓનો જંગી આક્રોશ અને પ્રદર્શનઃ સોરેન સરકાર અને રાહુલ ગાંધી સામે ઉઠયા ગંભીર સવાલો!
ઝારખંડમાં JPSC અને JSSC પરીક્ષા વિવાદ વકર્યો પારદર્શક ભરતી પ્રક્રિયા અને સીબીઆઈ તપાસની માંગ સાથે વિરોધ તીવ્ર બન્યો
રાંચી, તા.૩૧: ઝારખંડમાં જાહેર સેવા આયોગ અને સ્ટાફ સિલેક્શન કમિશન દ્વારા આયોજિત વિવિધ સ્પર્ધાત્મક પરીક્ષાઓમાં ગેરરીતિ અને પેપર લીકના ગંભીર આક્ષેપો બાદ રાજ્યભરમાં વિદ્યાર્થીઓ અને યુવાનોનો રોષ ફાટી નીકળ્યો છે. હજારોની સંખ્યામાં વિદ્યાર્થીઓ રસ્તા પર ઉતરી આવ્યા છે અને મુખ્યમંત્રી હેમંત સોરેન સરકારની નીતિઓ સામે સખત વિરોધ નોંધાવી રહ્યા છે. યુવાનોનો આરોપ છે કે વારંવાર પેપર લીક થવાથી અને પરીક્ષાઓ રદ થવાથી તેમનું ભવિષ્ય અંધકારમય બની રહ્યું છે.
આ આંદોલન દરમિયાન વિદ્યાર્થીઓ માત્ર રાજ્ય સરકાર જ નહીં, પરંતુ ઈન્ડિયા ગઠબંધનના નેતા રાહુલ ગાંધી સામે પણ સવાલો ઉઠાવી રહ્યા છે. પ્રદર્શનકારી યુવાનોનું કહેવું છે કે એક તરફ રાહુલ ગાંધી દેશભરમાં યુવાનોના અધિકારો અને પેપર લીક સામે અવાજ ઉઠાવવાની વાતો કરે છે, તો બીજી તરફ તેમની સહયોગી પાર્ટીની શાસનવાળા ઝારખંડમાં યુવાનો સતત ગેરરીતિનો ભોગ બની રહ્યા છે છતાં તેઓ મૌન સેવી રહ્યા છે.
વિદ્યાર્થી સંગઠનોએ સ્પષ્ટ ચેતવણી આપી છે કે જ્યાં સુધી JPSC અને JSSC ની તમામ વિવાદિત પરીક્ષાઓની નિષ્પક્ષ અને સીબીઆઈ તપાસ કરાવવામાં નહીં આવે, ત્યાં સુધી તેમનો આ વિરોધ સતત જારી રહેશે. વહીવટીતંત્રે કાયદો અને વ્યવસ્થા જાળવવા માટે મુખ્ય સરકારી કચેરીઓ નજીક ચુસ્ત પોલીસ બંદોબસ્ત ગોઠવી દીધો છે, પરંતુ યુવાનોના સતત વધતા આક્રોશથી રાજ્યનું રાજકારણ પણ ગરમાયું છે.
(3:12 PM IST)
છેલ્લા 8 દિવસમાં સૌથી લોકપ્રિય 
