ન્યૂયોર્કઃ અમેરિકાનું અગ્રણી શેરબજાર નાસ્ડેક હવે લગભગ ચોવીસ કલાકના ટ્રેડિંગ યુગમાં પ્રવેશવાની તૈયારીમાં છે. નાસ્ડેકની યોજના મુજબ ૬ ડિસેમ્બર, ૨૦૨૬થી નવી રાત્રિ ટ્રેડિંગ બેઠક શરૂ કરવાની તૈયારી હોવાનું ન્યુઝ ફર્સ્ટ જણાવે છે.. 

રાત્રિ બેઠક અમેરિકાના પૂર્વીય સમય મુજબ રાત્રે ૯ વાગ્યાથી સવારે ૪ વાગ્યા સુધી ચાલશે. દિવસની હાલની વ્યવસ્થા સાથે મળીને શેરોમાં સપ્તાહના પાંચ દિવસ રોજ કુલ ૨૩ કલાક ટ્રેડિંગ શક્ય બનશે. માત્ર રાત્રે ૮થી ૯ દરમિયાન સિસ્ટમ પ્રક્રિયા માટે વિરામ રહેશે. 

નાસ્ડેકે ખાસ કરીને એશિયા અને યુરોપ સહિત વિશ્વભરના રોકાણકારોની વધતી અમેરિકી શેરોની માગને ધ્યાનમાં રાખી આ મોટો નિર્ણય લીધો છે. વિસ્તૃત સમય અમલમાં આવવા માટે જરૂરી બજાર માળખું અને સંબંધિત પ્રક્રિયાઓ પૂર્ણ થવી જરૂરી છે.