અમેરિકામાં ક્રેડિટ કાર્ડ પર ગ્રોસરી ખરીદતા લોકોની સંખ્યા વધી
લાખો અમેરિકન્સ રોજબરોજના ખર્ચા કાઢવા માટે બચતો વાપરવા કે પછી ક્રેડિટ કાર્ડ સ્વાઈપ કરવા મજબૂર
ન્યૂયોર્ક તા.૧૫: અમેરિકા જેવા ધનાઢ્ય દેશમાં લાખો લોકોને ગ્રોસરી ખરીદવાના ફાંફા પડી ગયા હોય તે વાત માન્યામાં ના આવે તેવી છે, પરંતુ એક રિસર્ચમાં કંઈક આવો જ દાવો કરવામાં આવ્યો છે. અર્બન ઈન્સ્ટિટ્યૂટ નામની એક થિકટેંક દ્વારા કરાયેલા આ રિસર્ચમાં જણાવાયું છે કે મિલિયન્સ ઓફ અમેરિકન્સને ગ્રોસરી ખરીદવા માટે પણ પોતાની બચતો વાપરવી પડી રહી છે. એટલું જ નહીં, વર્કિગ એજ એડલ્ટ્સમાં આવતા જે લોકો ગ્રોસરી ખરીદવા માટે ક્રેડિટ કાર્ડનો ઉપયોગ કરે છે તેમાંથી ૨૫ ટકા લોકોને ક્રેડિટ કાર્ડનું બિલ ભરવામાં પણ ફાંફા પડી રહ્યા છે. આ એનાલિસિસમાં એવું પણ જાણવા મળ્યું છે કે દસ ટકા એડલ્ટ્સ ગ્રોસરીનો ખર્ચો કાઢવા માટે પણ બાય નાઉ, પે લેટર પ્રકારની લોન પર નિર્ભર છે અને ગયા વર્ષે તેમાંના ૩૩ ટકા લોકો સમયસર તેનું પેમેન્ટ નહોતા કરી શક્યા.
આ રિસર્ચ સાથે સંકળાયેલા લોકોનું માનીએ તો તેમાં ભાગ લેનારા ૨૦ ટકા વર્કિગ એજ એડલ્ટ્સે એવું જણાવ્યું હતું કે તેમને રોજબરોજના ખર્ચા કાઢવા માટે વર્ષમાં એકાદવાર પોતાની બચતો વાપરવી પડી હતી. આ સ્ટડીના કો-ઓથર અને અર્બન ઈન્સ્ટિટ્યૂટના પબ્લિક પોલિસી એક્સપર્ટ કસાન્દ્રા માર્ટિનચેકે આ અંગે ઘ્ગ્લ્ ન્યૂઝ સાાથે વાત કરતા જણાવ્યું હતું કે ગ્રોસરી એક એવી વસ્તુ છે કે જેના વગર જીવનનિર્વાહ અશક્ય છે, તેના માટે જેમને ક્રેડિટ કાર્ડ સ્વાઈપ કરવું પડતું હોય તેમની આર્થિક સ્થિતિ કેવી હશે તેનો અંદાજ લગાવી શકાય છે. તેવામાં તેમના માટે ક્રેડિટ કાર્ડનું બિલ પે કરવું વધુ મુશ્કેલ થઈ જાય છે, આખરે આ લોકો દેવાના એવા વિષચક્રમાં ફસાઈ જાય છે કે તેમના માટે ભવિષ્યમાં પણ પાયાની જરૂરિયાત પૂરી કરવી મુશ્કેલ બને છે તેમજ તેમના માટે આર્થિક તંગીમાંથી બહાર આવવું પણ એક મોટો પડકાર બની જાય છે.
અમેરિકામાં છેલ્લા પાંચ વર્ષમાં ગ્રોસરીની કિમતોમાં ૩૨ ટકા જેટલો વધારો થયો છે, જેના કારણે લાખો લોકો માટે ફુડ અફોર્ડ કરવું પણ મુશ્કેલ બન્યું છે તેવું અર્બન ઈન્સ્ટિટ્યૂટનું કહેવું છે. આ ગ્રુપે પોતાનો રિસર્ચ રિપોર્ટ ડિસેમ્બર ૨૦૨૫માં એકત્ર કરવામાં આવેલા ડેટાના આધારે તૈયાર કર્યો છે જેમાં ૧૮-૬૪ વર્ષના ૭૫૦૦ લોકોને આવરી લેવાયા હતા. મહત્વની વાત એ છે કે ૨૦૨૬માં ઈરાન વોરને કારણે મોંઘવારી ભડકે બળી છે અને ગેસ તેમજ ડીઝલના ભાવ પણ ત્રણ વર્ષની ટોચે પહોંચી ગયા છે. CBS ન્યૂઝ દ્વારા મે ૨૦૨૬માં જે સરવે હાથ ધરવામાં આવ્યો હતો તેમાં ભાગ લેનારા ૨૫ ટકા અમેરિકન્સે એવું જણાવ્યું હતું કે તેમની આવકમાં જે કંઈ વધારો થયો હતો તે ઈન્ફલેશનને કારણે ધોવાઈ ગયો છે, જેનો સીધો અર્થ એવો થાય છે કે ઘણા પરિવારો પોતાનો પરચેઝિગ પાવર ગુમાવી રહ્યા છે.
એક તરફ ગ્રોસરી ખરીદવા માટે ક્રેડિટ કાર્ડનો ઉપયોગ કરતા અમેરિકન્સની સંખ્યા વધી રહી છે તો બીજી તરફ ઈન્ટરેસ્ટ ચાર્જિસ ના ભરવા પડે તે માટે સમયસર પેમેન્ટ કરી દેનારા લોકોનું પ્રમાણ પણ વધી રહ્યું છે. છેલ્લા બે વર્ષમાં આવા લોકોની સંખ્યામાં ૧.૬ ટકાનો વધારો થયો છે, આ આંકડો ભલે નાનો લાગે પરંતુ તે એવું દર્શાવી રહ્યો છે કે રોજબરોજની જરૂરિયાતની ચીજવસ્તુઓ એક રીતે કહીએ તો લોન પર ખરીદતા લોકો માટે લોનની ચૂકવણી પણ મુશ્કેલ બની રહી છે. મિનિમમ પેમેન્ટ ભરવાનું પહેલીવાર ચૂકી જવાય તો ૩૦ ડોલર લેટ ફી પે કરવી પડે છે અને ત્યારબાદ લેટ પેમેન્ટની પેનલ્ટી વધીને ૪૧ ડોલર થઈ જાય છે અને તેના પર જંગી વ્યાજ પણ ભરવું પડે છે.
આમ તો અમેરિકાની સરકાર ગરીબ લોકોને ફુડ સ્ટેમ્પ આપે છે પરંતુ બિગ બ્યૂટિફુલ બિલ એક્ટમાં તેના માટેની લાયકાતમાં ફેરફાર કરાતા એક જ વર્ષમાં ફુડ સ્ટેમ્પ મેળવનારા લોકોની સંખ્યામાં પાંચ મિલિયન જેટલો ઘટાડો નોંધાયો છે. ઓછી અને મધ્યમ આવક ધરાવતા પરિવારોની આવકનો સારો એવો હિસ્સો ગ્રોસરી ખરીદવામાં જ વપરાઈ જતો હોય છે, જેથી ફુડની કિમત વધે ત્યારે તેમની હાલત સૌથી વધુ ખરાબ થતી હોય છે
(9:45 AM IST)
છેલ્લા 8 દિવસમાં સૌથી લોકપ્રિય 
