નવી દિલ્હી:  કેન્દ્ર સરકાર દ્વારા સંચાલિત વિવિધ જનકલ્યાણકારી યોજનાઓ અને મંત્રાલયોની કામગીરીની સમીક્ષા માટે પ્રધાનમંત્રી નરેન્દ્ર મોદી સોમવારે સાંજે એક અત્યંત મહત્વપૂર્ણ બેઠક યોજવા જઈ રહ્યા છે. આ બેઠકમાં સરકારના સામાજિક ન્યાય અને જાહેર કલ્યાણ (Social Justice & Welfare) સાથે જોડાયેલા મંત્રાલયોની કામગીરી, આપેલા લક્ષ્યાંકોની સિદ્ધિ અને વિવિધ યોજનાઓના અમલીકરણની ઝડપ અંગે વિગતવાર સમીક્ષા કરવામાં આવશે.
ડિજિટલ મીડિયા તથા રાજકીય વર્તુળોમાંથી મળતી વિગતો અનુસાર, આ બેઠકમાં તમામ મંત્રીઓને બદલે ખાસ કરીને સામાજિક કલ્યાણના ક્ષેત્રો સંભાળતા રાજ્યમંત્રીઓ (MoS) અને સ્વતંત્ર હવાલો ધરાવતા રાજ્યમંત્રીઓને ખાસ આમંત્રણ આપવામાં આવ્યું છે. આ બેઠક બાદ આવનારા દિવસોમાં અન્ય વિભાગોના મંત્રીઓના અલગ-અલગ જૂથો સાથે પણ પ્રધાનમંત્રી તબક્કાવાર સમીક્ષા બેઠકો હાથ ધરશે.

સોમવારે યોજનારી આ કવાયતમાં મુખ્યત્વે ત્રણ મહત્વપૂર્ણ મંત્રાલયો પર ફોકસ રાખવામાં આવશે:

૧. શિક્ષણ મંત્રાલય (Ministry of Education)

૨. સામાજિક ન્યાય અને સશક્તિકરણ મંત્રાલય (Ministry of Social Justice and Empowerment)

૩. કૃષિ અને ખેડૂત કલ્યાણ મંત્રાલય (Ministry of Agriculture and Farmers Welfare)

આ મંત્રાલયો હેઠળ ચાલતી સરકારી યોજનાઓની જમીની વાસ્તવિકતા બજેટનો યોગ્ય ઉપયોગ અને યોજનાઓનો લાભ સામાન્ય જનતા સુધી કેટલો પહોંચ્યો છે, તેનો રિપોર્ટ ચકાસવામાં આવશે.

આ સમીક્ષા બેઠકનો મુખ્ય હેતુ મંત્રીઓની જવાબદેહી નક્કી કરવાનો છે. દરેક મંત્રીને સોંપાયેલી જવાબદારી અને તેમના રિપોર્ટ કાર્ડના આધારે તેમનું મૂલ્યાંકન થશે. કારણ કે આ બેઠકોમાં મંત્રીઓ પ્રત્યક્ષ રીતે પોતાના કામકાજનો હિસાબ આપશે, તેથી તેને રાજકીય ગલિયારામાં સંભવિત કેબિનેટ ફેરબદલ કે વિસ્તાર ) સાથે જોડવામાં આવી રહી છે.

જોકે, સરકાર કે પ્રધાનમંત્રી કાર્યાલય ( તરફથી કેબિનેટમાં કોઈ તાત્કાલિક ફેરબદલ અંગે હજુ સુધી કોઈ સત્તાવાર જાહેરાત કે નિવેદન બહાર પાડવામાં આવ્યું નથી. પરંતુ આ પ્રકારની કામગીરીની સમીક્ષા ભવિષ્યમાં સંગઠન અને સરકારમાં મહત્વના નિર્ણયો લેવા માટેનો પાયો પૂરો પાડે છે.