તા. ૧૨ ફેબ્રુઆરી ર૦ર૬ વિક્રમ સંવત ર૦૮૨ મહા વદ – ૧૦ ગુરૂવાર
News of Tuesday, 17th November 2026
મનીલામાં છવાયો પીએમ મોદીનો અનોખો અંદાજઃ પરંપરાગત ‘બારોંગ ટાગાલોગ' પહેરી ખાસ ઈ-ઓટોરિક્ષામાં ગાલા ડિનરમાં પહોંચ્યા
ફિલિપાઇન્સના રાષ્ટ્રપતિ આયોજિત શાહી રાત્રિભોજનમાં પ્રધાનમંત્રીની ખાસ એન્ટ્રીએ સૌનું ધ્યાન ખેંચ્યુ

મનીલા, તા.૧૭: પ્રધાનમંત્રી નરેન્દ્ર મોદીની ફિલિપાઇન્સની મુલાકાતની શરૂઆત અત્યંત શાહી અને યાદગાર અંદાજમાં થઈ છે, જ્યાં તેમના અનોખા પોશાક અને ખાસ સવારીએ સૌનું ધ્યાન ખેંચ્યું હતું. ફિલિપાઇન્સના રાષ્ટ્રપતિ ફર્ડિનાન્ડ રોમુઆલ્ડેઝ માર્કોસ જુનિયર દ્વારા મનીલામાં પીએમ મોદીના સન્માનમાં એક ભવ્ય ગાલા ડિનરનું આયોજન કરવામાં આવ્યું હતું. આ ખાસ અવસર પર વડાપ્રધાન મોદીએ ફિલિપાઇન્સનો પરંપરાગત ઔપચારિક પોશાક બારોંગ ટાગાલોગ ધારણ કર્યો હતો, જે બંને દેશો વચ્ચેના ગાઢ સાંસ્કળતિક જોડાણ અને મિત્રતાનું પ્રતીક બની રહ્યો હતો. આટલું જ નહીં, પીએમ મોદી કોઈ લક્ઝરી કારને બદલે ખાસ ડિઝાઇન કરવામાં આવેલી બેટરી સંચાલિત ઈ-ઓટોરિક્ષામાં સવાર થઈને રાત્રિભોજન સ્થળ પર પહોંચ્યા હતા, જ્યાં રાષ્ટ્રપતિ માર્કોસ અને ફર્સ્ટ લેડી લુઇસ અરાનેટા-માર્કોસે તેમનું ઉષ્માભર્યું સ્વાગત કર્યું હતું.
અગાઉ મનીલા એરપોર્ટ અને હોટલ ખાતે આગમન સમયે ત્યાં વસતા ભારતીય સમુદાય દ્વારા વડાપ્રધાન મોદીનું અભૂતપૂર્વ અને ભાવુક સ્વાગત કરવામાં આવ્યું હતું. નાના બાળકોએ પરંપરાગત રીતે પૂર્ણ કુંભ શ્લોકનું પઠન કરીને તેમનું અભિવાદન કર્યું હતું, જ્યારે બોલિવૂડના સુપરહિટ ગીતો અને જોશભર્યા ભાંગડા નળત્યોએ મનીલાની ધરતી પર જાણે કે મિની ભારત ખડું કરી દીધું હતું. પીએમ મોદીએ સોશિયલ મીડિયા પ્લેટફોર્મ પર આ ભવ્ય સ્વાગતની તસવીરો શેર કરતા ભારતીય પ્રવાસીઓ પ્રત્યે કળતજ્ઞતા વ્યક્ત કરી હતી અને લખ્યું હતું કે મનીલામાં ભારતીય મૂળના લોકોનો આવો અપાર પ્રેમ અને ઉત્સાહ જોઈને તેઓ અત્યંત ખુશ છે.
આસિયાન-ભારત સમિટમાં ભાગ લેવા પહોંચેલા વડાપ્રધાન મોદીની આ મુલાકાત ભારત અને ફિલિપાઇન્સ વચ્ચેના દ્વિપક્ષીય સંબંધોને નવી ઊંચાઈ પર લઈ જવા માટે અત્યંત મહત્વપૂર્ણ માનવામાં આવી રહી છે. ગાલા ડિનર દરમિયાન રાષ્ટ્રપતિ માર્કોસ સાથેની તેમની અનૌપચારિક વાતચીત અને પરંપરાગત ફિલિપિનો પરિધાનમાં તેમની હાજરીએ સ્થાનિક મીડિયા અને રાજદ્વારી વર્તુળોમાં ભારે ચર્ચા જગાવી છે. ખાસ મહેમાનો માટે તૈયાર કરાયેલી પર્યાવરણને અનુકૂળ ઈ-ઓટોરિક્ષામાં મુસાફરી કરીને પીએમ મોદીએ ગ્રીન એનર્જી અને સાદગીનો પણ એક સકારાત્મક સંદેશ આપ્યો છે, જેનાથી આગામી બેઠકો માટે એક અત્યંત સૌહાર્દપૂર્ણ માહોલ તૈયાર થયો છે.
(3:34 PM IST)









છેલ્લા 8 દિવસમાં સૌથી લોકપ્રિય 
